ରାଜଧାନୀରେ ଘଟିଯାଇଛି ଏକ ବଡ଼ ଅଘଟଣ । ପାହାଳ ଥାନା ଜୟରଶାସନ ବସ୍ତିରେ ଅଗ୍ନିକାଣ୍ଡ ଘଟିଥିବା ଜଣାପଡ଼ିଛି । ଏହି ଅଗ୍ନିକାଣ୍ଡରେ କଲାମ ଖାଁ ଓ ସଲିମ ଖାଁଙ୍କ ଘରେ ନିଆଁ ଲାଗି ଲକ୍ଷାଧିକ ଟଙ୍କାର ଆସବାବପତ୍ର ପୋଡ଼ି ନଷ୍ଟ ହୋଇଯାଇଛି । ଦୁଇଟି ବାଇକ ମଧ୍ୟ ପୋଡ଼ି ପାଉଁଶ ହୋଇଯାଇଛି । ସର୍ଟସର୍କିଟ ଯୋଗୁ ନିଆ ଲାଗି ସଲିମ ଖାଁଙ୍କ ଘରକୁ ବ୍ୟାପିଥିଲା । ଗ୍ରାମର ଯୁବକ ମାନେ ଉଦ୍ୟମ କରି ନିଆଁକୁ ଆୟତ୍ତ କରିଥିଲେ । ନିଆଁ ଲିଭାଇବା ସମୟରେ ଜଣେ ଯୁବକ ଆହତ ହୋଇଛନ୍ତି । ପାହାଳ ଦମକଳବାହିନୀ ନିଆଁ ଲିଭାରେ ସାହାଯ୍ୟ କରିଥିଲେ । ସର୍ଟସର୍କିଟ କାରଣରୁ ଘଟିଥିବା ଏହି ଅଗ୍ନିକାଣ୍ଡକୁ ନେଇ ଏବେ କ୍ଷତିଗ୍ରସ୍ତ ପରିବାର ଚିନ୍ତାରେ ରହିଛନ୍ତି । କ୍ଷତିଗ୍ରସ୍ତ ପରିବାରଙ୍କୁ ସରକାରୀ ସହାୟତା ଯୋଗାଇ ଦେବାକୁ ଦାବି ହେଉଛି । ଗ୍ରାମର ଯୁବକମାନେ ନିଆଁକୁ ଆୟତ୍ତ କରିବାରେ ସଫଳ ହୋଇଥିଲେ । ଫଳରେ ଏକ ବଡ଼ ଅଘଟଣକୁ ଏଡ଼ାଇ ପାରିଥିଲେ ।
