ଲଦାଖରେ ମୁତୟନ ଯବାନଙ୍କୁ ପ୍ରଥମେ ଦିଆଯିବ କୋଭିଡ୍ ଭ୍ୟାକ୍ସିନ୍

ନୂଆଦିଲ୍ଲୀ: ଲଦାଖ ସୀମାରେ ଭାରତ-ଚୀନ୍ ମଧ୍ୟରେ ଉତ୍ତେଜନା ଶାନ୍ତ ପଡ଼ିନି । ଏହାରି ଭିତରେ ଲଦାଖରେ କରୋନା ଭ୍ୟାକ୍ସିନର ୧୨ ହଜାର ଡୋଜ୍ ପହଞ୍ଚିଛି । ସେଥିରୁ ୪ ହଜାର ଡୋଜ୍ ଆର୍ମି କର୍ମଚାରୀଙ୍କୁ ଦିଆଯିବ  । ଆସନ୍ତାକାଲି ଠାରୁ ଦେଶରେ କରୋନା ଟିକାକରଣ ଆରମ୍ଭ ହେବାକୁ ଥିବାବେଳେ ପ୍ରଥମେ ଲଦାଖରେ ମୁତୟନ ଯବାନଙ୍କୁ ଦିଆଯିବ ଟିକା ।

ମିଲିଟାରୀ ଡକ୍ଟର, ମେଡିକାଲ ଷ୍ଟାଫଙ୍କ ସହ ଆଗଧାଡ଼ିର ସୈନିକଙ୍କୁ ଟିକାକରଣ ଲାଗି ଚିହ୍ନଟ କରାଯାଇଛି । ଏଥିସହ ମିଲିଟାରୀରେ ଅଂଶ ହୋଇନଥିଲେ ମଧ୍ୟ ଏହାକୁ ସଞ୍ଚାଳନରେ ଗୁରୁତ୍ୱପୂର୍ଣ୍ଣ ଭୂମିକା ଥିବା ବ୍ୟକ୍ତିଙ୍କୁ ଟିକାକରଣରେ ପ୍ରାଥମିକତା ଦିଆଯିବ ।

ଶନିବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଶରେ କୋଭିଡ୍ ଟିକାକରଣର ଶୁଭାରମ୍ଭ କରିବେ । ଦେଶରେ ୩ ହଜାର ୬ଟି ଟିକାକରଣ କେନ୍ଦ୍ର ଏଥିପାଇଁ ପ୍ରସ୍ତୁତ ହୋଇ ରହିଛି । ଟିକାକରଣ ସକାଳ ୯ଟାରୁ ୫ଟା ଯାଏ ଚାଲିବ । ଦେଶରେ ସେରମ ଇନଷ୍ଟିଚ୍ୟୁଟର କୋଭିସିଲ୍ଡ ଓ ଭାରତ ବାୟୋଟକର କୋଭାକ୍ସିନ ଟିକାକୁ ଜରୁରୀକାଳୀନ ବ୍ୟବହାର ପାଇଁ ଅନୁମତି ମିଳିଥିବା ବେଳେ ସବୁ ରାଜ୍ୟରେ ଟିକା ପହଞ୍ଚି ସାରିଛି ।