ଦ୍ୱିପାକ୍ଷିକ ଚୁକ୍ତି ମାନୁନାହିଁ ଚୀନ: ବୖେଦେଶିକ ମନ୍ତ୍ରଣାଳୟ

ନୂଆଦିଲ୍ଲୀ: ଗତ ଛଅ ମାସ ଧରି ଲାଇନ୍ ଅଫ୍ ଆକ୍ଚୁଆଲ୍ କଣ୍ଟ୍ରୋଲ (ଏଲଏସି)ରେ ଯେଉଁ ସ୍ଥିତି ଉପୁଜିଛି ଏଥିପାଇଁ ଚୀନ ସରକାର ହିଁ ଦାୟୀ ବୋଲି କହିଛନ୍ତି ଭାରତର ବୈଦେଶିକ ମନ୍ତ୍ରଣାଳୟ। ଯାହା ଫଳରେ ସୀମା ନୀତି ଉଲ୍ଲଂଘନ ହେଉଥିବା ମନ୍ତ୍ରଣାଳୟ ପକ୍ଷରୁ କୁହାଯାଇ ।

ସୂଚନା ମୁତାବକ ଏଲଏସିରେ ଚୀନର ମନମାନି ଫଳରେ ଦ୍ୱିପାକ୍ଷିକ ଶାନ୍ତି ଭଙ୍ଗ ହେବା ସହ ପ୍ରୋଟୋକଲର ଉଲ୍ଲଂଘନ ମଧ୍ୟ ହେଉଛି । ଏହି ଦୁଇ ଦେଶ ମଧ୍ୟରେ ୧୯୯୩ ଏବଂ ୧୯୯୬ରେ ହୋଇଥିବା ଦ୍ୱିପାକ୍ଷିକ ଚୁକ୍ତିକୁ ମାନୁ ନାହାଁନ୍ତି ଚୀନ ସରକାର । ଏଣୁ ବେଜିଂ ନିଜର ନୀତିରେ ପରିବର୍ତ୍ତନ କରିବାର ଯଥେଷ୍ଟ ଆବଶ୍ୟକତା ରହିଛି ବୋଲି ଭାରତର ବୈଦେଶିକ ମନ୍ତ୍ରାଳୟ ପକ୍ଷରୁ କୁହାଯାଇଛି ।

ଭାରତ ଓ ଚୀନ ମଧ୍ୟରେ ବର୍ଷ ବର୍ଷ ଧରି ସୁ-ସମ୍ପର୍କ ରହି ଆସିଛି, ହେଲେ ଏବେ ସୀମାରେ ଚୀନ ସରକାରଙ୍କ ବିସ୍ତାରବାଦୀ ନୀତି ଯୋଗୁଁ ଅନେକ ସମସ୍ୟା ସୃଷ୍ଟି ହେଉଛି । ଗତ କିଛି ମାସ ହେବ ପୂର୍ବ ଏଲଏସିରେ ଭାରତ ଓ ଚୀନ ମଧ୍ୟରେ ସୀମା ବିବାଦ ଲାଗି ରହିଛି ।

ତେବେ ଉଭୟ ଦେଶ ମଧ୍ୟରେ ଅନେକ ଥର ଆଲୋଚନା ହୋଇଥିଲେ ମଧ୍ୟ ଏଯାବତ୍ କୗେଣସି ସମାଧାନର ବାଟ ଫିଟିପାରୁ ନଥିବା ସୂଚନା ମିଳିଛି ।