ପୁଅ ସହ ଆମ ଫଟୋ ଉଠାଇ ତାକୁ ଏଡିଟ କରାଯାଇଛି : ପଣ୍ଡିତ କାଶୀନାଥ ମିଶ୍ର

ନନ୍ଦିଘୋଷ ବ୍ୟୁରୋ: ଖଣ୍ଡଗିରି କୁନି କଳକୀଙ୍କ ଘଟଣାକୁ ନେଇ ଆଶ୍ରମ ପରିସରରେ ଉତ୍ତେଜନା ପରିସ୍ଥିତି ସୃଷ୍ଟି ହୋଇଛି । ଉତ୍ୟକ୍ତ ଲୋକେ ତାଲା ଭାଙ୍ଗି ପଶିଥିବାବେଳେ ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚିଛି । ତେବେ ଏଭଳି ଅପ୍ରତିକର ପରିସ୍ଥିତି ଉପୁଜିବା ପରେ ଏବେ ସମାନାକୁ ଆସିଛନ୍ତି କୁନି ସାରଥୀଙ୍କ ବାପା । ପୁଅକୁ ନେଇ ଏକ ଭିଡିଓ ମାଧ୍ୟମରେ ନିଜର ପ୍ରତିକ୍ରିୟା ପ୍ରକାଶ କରିଛନ୍ତି । ସେ କହିଛନ୍ତି କି, କିଛି ବର୍ଷ ତଳେ ଜଣଙ୍କ ଘରେ ପୁଅର ଜନ୍ମଦିନ ପାଳିଥିଲୁ । ସେ ବ୍ୟକ୍ତି ଆମର ଫଟୋ ଉଠାଇଥିଲେ । ପୁଅ ସହ ଆମ ଫଟୋ ଉଠାଇ ତାକୁ ଏଡିଟ କରାଯାଇଛି ।

ପୁଅ ପାଦ ତଳେ ତୁଳସୀ ରଖି ଭାଣ୍ଡାମୀ କରିଛନ୍ତି । ଏ ଫଟୋ ଏବେର ନୁହେଁ, ୧୦ ବର୍ଷତଳର ଫଟୋ। ପୁଅକୁ ସେତେବେଳେ ୪/୫ ବର୍ଷ ହୋଇଥିଲା । ମନ୍ଦ ଉଦ୍ଦେଶ୍ୟ ରଖି କିଛି କୁଚକ୍ରୀ ଏଭଳି କରିଛନ୍ତି । ପୁଅ ପାଦ ତଳେ ତୁଳସୀ ରଖି ଫଟୋ ଉଠାଇଛନ୍ତି କୁଚକ୍ରୀ । କୁଚକ୍ରୀମାନେ ମୋ ସହ ଥିଲେ, ଦୂରେଇ ଯାଇ ଏଭଳି କରିଛନ୍ତି । ମୁଁ କେବେ ବି କହିନି ମୋ ପୁଅ ଠାକୁର । ମୁଁ ଓଡ଼ିଆ ଲୋକ, ଜଗନ୍ନାଥ ସଂସ୍କୃତିର ବିଶ୍ୱାସ କରେ । ମୁଁ ଜଣେ ଆଧ୍ୟାତ୍ମିକବାଦୀ ଲୋକ, ପ୍ରବଚନ ଦିଏ । ଏ ଫଟୋ ବହୁତ ପୁରୁଣା ଫଟୋ । କାହାର ବ୍ୟକ୍ତିଗତ ମତକୁ ନେଇ ମୋର କିଛି କହିବାର ନାହିଁ । ମୁଁ ଭୁଲ କରିନି, ଶ୍ରୀଜଗନ୍ନାଥ ମୋତେ ନ୍ୟାୟ ଦେବେ ବୋଲି କହିଛନ୍ତି କାଶୀନାଥ ।