୫ ବର୍ଷରେ କୁଆଖାଇରେ ଗଲାଣି ୫୦ ମୁଣ୍ଡ

ଭୁବନେଶ୍ବର: ପାଣି ନେଉଛି ପ୍ରାଣ। କୁଆଖାଇ ଗଣ୍ଡରେ ଛକି ବସିଛି କାଳ।  କିଏ ଗାଧେଇବାକୁ ଯାଇ ସଲୀଳ ସମାଧି ନେଉଛି ତ ଆଉ କିଏ ଜଳକ୍ରୀଡ଼ା କରି ପ୍ରାଣ ହରାଉଛି । ପୁଅକୁ ହରାଇ ମା କୋଳ ହେଉଛି ଶୂନ୍ୟ । ମୃତ୍ୟୁ ରୋକିବାକୁ ନଦୀ ପଠାରେ ପୋଲିସ ଲଗାଇଲା ସର୍ତକ ସୂଚନା । ୫ ବର୍ଷରେ ନଦୀରେ ଗଲାଣି ୫୦ ମୁଣ୍ଡ । ରିଲ୍ସ ସାଙ୍ଗକୁ ଫଟୋସୁଟ । ଜଙ୍ଗଲ ପରିବେଶର ଭୋଜିଭାତ । ନିଶା ପରେ ସାନ୍ନ ପାଲଟୁଛିଶେଷ ଯାତ୍ରା ଜୁନ ୨୮, ୨୦୨୩ ।କୁଆଖାଇ ନଦୀରେ ବୁଡି ୩ ଇଞ୍ଜିନିୟର ଛାତ୍ରଙ୍କ ମୃତ୍ୟୁ ।ଜୁଲାଇ ୧୧, ୨୦୨୩ ୪ ଜଣ ଏମବିଏ ଛାତ୍ର ପାଣିରେ ବୁଡି ମୃତ୍ୟୁ ।

ଏ ସବୁ ଭୁବନେଶ୍ୱର ଉପକଣ୍ଠ କୁଆଖାଇ, କୁଶଭଦ୍ରା, ଭାର୍ଗର୍ବୀ, ଦୟା ନଦୀ ଓ ସହରରେ କିଛି ପୋଖରୀର ଗାଧେଇବାକୁ ଯାଇ ଜୀବନ ହାରିଛନ୍ତି । ଏ ଘଟଣାରେ ପରେ ଖୋର୍ଦ୍ଦା ଜିଲ୍ଲା ପ୍ରଶାସନ କମିଶନରେଟ ପୋଲିସ ସହାୟତାରେ ଉପକଣ୍ଠର ନଦୀ ପଠାରେ ମତ୍ୟୁ ରୋକିବାକୁ ପୋଲିସ ଲଗାଯାଇଛି ସର୍ତକ ସୂଚନା । ନଦୀର ଗଭୀର ଥିବାରୁ ଗାଧେଇବା କିମ୍ବା ଶୌଚ ହେବାକୁ ଯାଆନ୍ତୁ ନାହିଁ । ନଦୀ ପଠାରେ ଥିବା ଜଙ୍ଗଲରେ ଭୋଜିଭାତ କରନ୍ତୁ ନାହିଁ । ନଦୀ ପଠାରେ ନିଶା ସେବନ କରନ୍ତୁ ନାହିଁ । କୌଣସି ଅଘଟଣ ଦେଖିଲେ ତୁରନ୍ତ ସ୍ଥାନିୟ ପୋଲିସିଙ୍କୁ ଖବର ଦିଅନ୍ତୁ ବୋଲି ସର୍ତକ ସୂଚନା ଲଗାଇଛି ।

ଗତ ୫ ବର୍ଷ ମଧ୍ୟରେ ନଦୀ ପଠାରେ ବୁଡି ୫୦ଜଣ ଲୋକ ମୁତ୍ୟୁ ହୋଇଛି । ଗତ ୨୦୨୨ରେ ୨୬ ଜଣଙ୍କ ମୃତ୍ୟୁ ହୋଇଥିବାବେଳେ ୨୦୨୩ରେ ଏବେ ସୁଦ୍ଧା ୨୭ ଜଣଙ୍କ ମୃତ୍ୟୁ ହୋଇଛି । ଖୋର୍ଦ୍ଧା ଜିଲ୍ଲା ପ୍ରଶାସନ ପକ୍ଷରୁ ବଇଁଚୁଆ, ଧବଳହାର, କଣ୍ଟାଗୋଠ ଏବଂ ଅଲାରପୁର ଠାରେ ଲଗାଯାଇଥିବା ସତର୍କ ସୂଚନା ଫଳକରେ ବିସ୍ତୃତ ବିବରଣୀ ରହିଛି । କୁଆଖାଇ ନଦୀର ବାମପାର୍ଶ୍ବରେ ସତ୍ୟଭମାପୁର, କଣ୍ଟାଗୋଠ, ଧବଳାହାର, ବଇଁଚୁଆ, ରଙ୍ଗବଜାର, ଟଙ୍କପାଣି ବ୍ରିଜ ନିକଟ ଆଦି ସ୍ଥାନରେ କୁଆଖାଇ ଶଯ୍ୟାରେ ଗଭୀର ଗଣ୍ଡ ରହିଛି । ନଦୀ ପଠାକୁ ଯେଉଁମାନେ ଆସୁଛନ୍ତି ସେମାନଙ୍କୁ ବାରଣ କରାଯାଉଛି । ହେଲେ କିଛି ଲୋକ ନିଶା ସେବନ କରି ଓଲଟି ଆକ୍ରମଣ କରୁଥିବା ଅଭିଯୋଗ ହୋଇଛି । ତେଣୁ କେବଳ ଫଳକ ନୁହେଁ ଜୋରଦାର ପାଟ୍ରୋଲିଂ କରିବା ସହ ଭୋଜିଭାତ ବନ୍ଦ କରିବାକୁ ଦାବି କରିଛନ୍ତି ।