ଥିଏଟର ଖୋଲିବ କିନ୍ତୁ ଅକ୍ଷୟ କୁମାରଙ୍କ ଫିଲ୍ମ ସୂର୍ଯ୍ୟବଂଶୀ ହେବନାହିଁ ରିଲିଜ, ସାମ୍ନାକୁ ଆସିଲା ଏହି କାରଣ

ମୁମ୍ବାଇ: ଯେତେବେଳେ ଅନଲକର ପ୍ରକ୍ରିୟା ଆରମ୍ଭ ହେଲା ସେତେବେଳେ ଅକ୍ଷୟ କୁମାର ହେଉଛନ୍ତି ପ୍ରଥମ ଅଭିନେତା ଯିଏକି ନିଜ ଫିଲ୍ମ ସୁଟିଂ ଶେଷ କରିଛନ୍ତି । ଅକ୍ଷୟ କୁମାର ପୂର୍ବ ୨ ଦଶକରୁ ମଧ୍ୟ ଅଧିକ ସମୟରୁ  ଫିଲ୍ମ ଇଣ୍ଡଷ୍ଟ୍ରିରେ ସକ୍ରିୟ ଅଛନ୍ତି । କରୋନା ମହାମାରୀ ସମୟରେ ସିନେମା ଘର ଗୁଡ଼ିକରେ ତାଲା ପଡ଼ିଥିଲା । କିନ୍ତୁ ଅନଲକ ପ୍ରକ୍ରିୟାରେ ଅକ୍ଟୋବର ୧୫ରୁ ଥିଏଟରଗୁଡ଼ିକୁ ସାଧାରଣ ଲୋକଙ୍କ ପାଇଁ ଖୋଲାଯିବ ।

ଯେତେବେଳେ ଅନଲକ୍ ପ୍ରକ୍ରିୟା ଆରମ୍ଭ ହେଲା, ଅକ୍ଷୟ କୁମାର ବଲିଉଡର ପ୍ରଥମ ଅଭିନେତା ଯିଏ ଫିଲ୍ମ ସୁଟିଂ ଆରମ୍ଭ କରିଥିଲେ । ଅକ୍ଷୟ କୁମାର ୨ ଦଶନ୍ଧିରୁ ଅଧିକ ସମୟ ଧରି ଚଳଚ୍ଚିତ୍ର ଇଣ୍ଡଷ୍ଟ୍ରିରେ ସକ୍ରିୟ ଅଛନ୍ତି ଏବଂ ପ୍ରତିବର୍ଷ ଭିନ୍ନ ଭିନ୍ନ ପ୍ରସଙ୍ଗରେ ଅନେକ ଚଳଚ୍ଚିତ୍ର କରିବା ପାଇଁ ଖୁବ ଜଣାଶୁଣା । କରୋନା ମହାମାରୀ ଭିତରେ ମଧ୍ୟ ଅକ୍ଷୟ କୁମାରଙ୍କର ପାଖରେ ଫିଲ୍ମର ଅଭାବ ନାହିଁ । ତାଙ୍କ ପାଖରେ ଏବେ ଅନେକ ଚଳଚ୍ଚିତ୍ର ରହିଛି । ଏହି ଚଳଚ୍ଚିତ୍ର ମଧ୍ୟରୁ ଗୋଟିଏ ହେଉଛି ବେଲ୍ ବଟମ୍, ଯାହା ସୁଟିଂ ବର୍ତ୍ତମାନ ସେ କରୁଛନ୍ତି । କେବଳ ଏତିକି ନୁହେଁ ଏହି ଫିଲ୍ମର ପ୍ରଥମ ଟିଜର ମଧ୍ୟ ଖୁବ ଶୀଘ୍ର ଆସିବାକୁ ଯାଉଛି।

କରୋନା କାଳରେ ସିନେମା ଘରଗୁଡ଼ିକ ଦୀର୍ଘ ସମୟ ଧରି ବନ୍ଦ ହୋଇରହିଥିଲା । କିନ୍ତୁ ବର୍ତ୍ତମାନ ଅନଲକ୍ ପ୍ରକ୍ରିୟାର ଏକ ଅଂଶ ଭାବରେ ଅକ୍ଟୋବର ୧୫ରୁ ସାଧାରଣ ଲୋକଙ୍କ ପାଇଁ ପ୍ରେକ୍ଷାଳୟ ମଧ୍ୟ ଖୋଲାଯିବ । ଏଭଳି ପରିସ୍ଥିତିରେ ସମସ୍ତେ ଆଶା କରୁଛନ୍ତି ଯେ ଏବେ ବଡ଼ ବଡ଼ ଫିଲ୍ମ ଏବେ ବଡ ପରଦାରେ ମୁକ୍ତିଲାଭ କରିବ। ଏହି ତାଲିକାରେ ଅକ୍ଷୟ କୁମାରଙ୍କ ଫିଲ୍ମ ସୂର୍ଯ୍ୟବଂଶୀ ଶୀର୍ଷରେ ଅଛି କାରଣ ଏହି ଚଳଚ୍ଚିତ୍ରଟି ସଂପୂର୍ଣ୍ଣ ଭାବେ ପ୍ରସ୍ତୁତ ହୋଇ ରହିଛି । କିନ୍ତୁ ବର୍ତ୍ତମାନ ପ୍ରଶଂସକଙ୍କ ପାଇଁ ଏକ ଖରାପ ଖବର ଆସିଛି ।

ଥିଏଟରରେ ରିଲିଜ ହେବ କି ସୂର୍ଯ୍ୟବଂଶୀ

କୁହାଯାଉଛି ଯେ, ଥିଏଟର ଖୋଲିବା ସତ୍ତ୍ୱେ ଅକ୍ଷୟ କୁମାରଙ୍କ ସୂର୍ଯ୍ୟବଂଶୀ ଥିଏଟରରେ ରିଲିଜ ହେଉନାହିଁ । ଏହି ଫିଲ୍ମକୁ ପ୍ରଥମେ ଦିପାବଳୀରେ ରିଲିଜ କରିବା ପାଇଁ ଚିନ୍ତା କରାଯାଉଥିବା ବେଳେ, ସେଭଳି ହେଉନଥିବା ଦେଖାଦେଉଛି । ମେକର୍ସଙ୍କ ମୁତାବକ ଏବେ ଥିଏଟର କୋଲୁଛି ସତ କିନ୍ତୁ ସମସ୍ତ ରାଜ୍ୟ ଥିଏଟର ଖୋଲୁଥିବା ଦେଖିବାକୁ ମିଳୁନାହିଁ । ତାଙ୍କ ହିସାବରେ ମହାରାଷ୍ଟ୍ର, ତମିଲନାଡୁ, ଆନ୍ଧ୍ରପ୍ରଦେଶ ଭଳି ରାଜ୍ୟ ଏବେ ଥିଏଟର ଖୋଲିବା ପାଇଁ ମନା କରୁଛନ୍ତି । ଏମିତିରେ ଫିଲ୍ମ ରିଲିଜ କରିବା ଲାଭପ୍ରଦ ହେବ ନାହିଁ । ଖବର ଏହା ମଧ୍ୟ ଆସୁଛି ଯେ, ସୂର୍ଯ୍ୟବଂଶୀଙ୍କୁ ଡିସେମ୍ବରରେ ରିଲିଜ କରାଯାଇପାରେ । କିନ୍ତୁ ତାହା ମଧ୍ୟ ଫାଇନାଲ ହୋଇପାରିନାହିଁ । କରୋନାର ସ୍ଥିତିକୁ ଦେଖି ନିଷ୍ପତ୍ତି ନିଆଯିବ ।

OTT ରେ ଆସୁଛି ଲକ୍ଷ୍ମୀ ବୋମ

ଏଥର ଦିପାବଳୀ ଅବସରରେ ଅକ୍ଷୟଙ୍କ ଲକ୍ଷ୍ମୀ ବମ୍ ଫିଲ୍ମ ମୁକ୍ତିଲାଭ ହେବାକୁ ଯାଉଛି । ଫିଲ୍ମକୁ ନେଇ ପ୍ରଶଂସକଙ୍କ ମଧ୍ୟରେ ଏକ ଜବରଦସ୍ତ ଉତ୍ସାହ ଦେଖିବାକୁ ମିଳୁଛି । ଫିଲ୍ମର ଟିଜର ଟ୍ରେଣ୍ଡ ହେଉଛି ଏବଂ ଅକ୍ଷୟଙ୍କ ଲୁକ୍ ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ବର୍ତ୍ତମାନ ଏହି ଚଳଚ୍ଚିତ୍ରଟି OTT ରେ ରିଲିଜ ହେବାକୁ ଯାଉଛି, ଫିଲ୍ମର ସଫଳତା ବିଷୟରେ ଅନେକ ପ୍ରଶ୍ନ ଉଠିଛି । ଏହାପୂର୍ବରୁ ଅମିତାଭଙ୍କ ଗୁଲାବୋ ସୀତାବୋ OTT ରେ ରିଲିଜ୍ କରି କିଛି ବିଶେଷ ପ୍ରଦର୍ଶନ କରିବାରେ ସକ୍ଷମ ହୋଇନଥିଲେ, ଏପରି ପରିସ୍ଥିତିରେ ଅକ୍ଷୟଙ୍କ ପାଇଁ ଏହା ଏକ ବଡ଼ ଆହ୍ୱାନ ହେବ।