କୃର୍ଣ୍ଣାଲ ପାଣ୍ଡ୍ୟାଙ୍କୁ କରୋନା: ସ୍ଥଗିତ ହେଲା ଦ୍ୱିତୀୟ ଟି-୨୦
1 min read
କଲୋମ୍ୱ: ଭାରତୀୟ ଅଲ୍ରାଉଣ୍ଡର କୃର୍ଣ୍ଣାଲ ପାଣ୍ଡ୍ୟାଙ୍କୁ କରୋନା । ଶ୍ରୀଲଙ୍କା ବିପକ୍ଷ ଦ୍ୱିତୀୟ ଟି-୨୦ ପୂର୍ବରୁ କରୋନା ସଂକ୍ରମିତ ଚିହ୍ନଟ ହୋଇଛନ୍ତିୁ କୃର୍ଣ୍ଣାଲ । ଏହା ପରେ ବୁଧବାର ଖେଳାଯିବାକୁ ଥିବା ଦ୍ୱିତୀୟ ଟି-୨୦କୁ ବାତିଲ କରାଯାଇଛି । ତେବେ କୁର୍ଣ୍ଣାଲଙ୍କ ସଂସ୍ପର୍ଶରେ ଆସିଥିବା ଆଠ ଜଣ ଖେଳାଳିଙ୍କୁ ମଧ୍ୟ ଆଇସୋଲେସନ୍ରେ ରଖାଯାଇଛି । ତେବେ ଏଯାବତ୍ ମିଳିଥିବା ସୂଚନା ମୁତାବକ ପୃଥ୍ୱି ଶ’ ଏବଂ ସୂର୍ଯ୍ୟ କୁମାର ଯାଦବଙ୍କୁ ଆଇସେଲେସନ୍ରେ ରଖାଯାଇଥିବା ଜଣାପଡ଼ିଛି । ଯଦି ସେମାନେ ବି କରୋନା ସଂକ୍ରମିତ ଚିହ୍ନଟ ହୁଅନ୍ତି ତେବେ ଆଗାମୀ ଇଂଲଣ୍ଡ ବିପକ୍ଷ ସିରିଜ୍ ସେମାନେ ଖେଳିପାରିବେ ନାହିଁ ।
ତେବେ ୩ ଟିକିଆ ସିରିଜ୍ର ପ୍ରଥମ ମ୍ୟାଚ୍ରେ ୩୮ରନ୍ରେ ଜିତି ଭାରତ ଆଗୁଆ ରହିଛି । ରବିବାର ଖେଳାଯାଇଥିବା ଏହି ପ୍ରଥମ ମ୍ୟାଚ୍ରେ କୃର୍ଣ୍ଣାଲ ୨ ଓଭରରେ ଗୋଟିଏ ଓ୍ୱିକେଟ ନେଇ ୧୬ ରନ୍ ଦେଇଥିଲେ । ତେବେ ବୁଧବାର ଖେଳାଯିବାକୁ ଥିବା ମ୍ୟାଚ୍ ଶ୍ରୀଲଙ୍କା ପାଇଁ କର ବା ମରର ସ୍ଥିତି ଥିବା ବେଳେ କରୋନା କାରଣରୁ ମ୍ୟାଚ୍ ସ୍ଥଗିତ ହୋଇଛି । ବାୟୋ ବବଲ୍ସ ମଧ୍ୟରେ ଉଭୟ ଦଳ ରହୁଥିବା ସତ୍ତ୍ୱେ ପୋର୍ଟକଲ ଅନୁଯାୟୀ ଅନ୍ୟ ଖେଳାଳି ମଧ୍ୟ ଆଇସୋଲେସନ୍ରେ ରହିବେ ବୋଲି ଜଣାପଡ଼ିଛି ।
