ଭ୍ଲାଦିମିର ପୁଟିନଙ୍କୁ ହତ୍ୟା ଉଦ୍ୟମ ! ୟୁକ୍ରେନ୍ ଉପରେ ଅଭିଯୋଗ ଆଣିଲା ମସ୍କୋ

ମସ୍କୋ: ଆହୁରି ଭୟାବହ ହେବ ଯୁଦ୍ଧ । ଋଷ-ୟୁକ୍ରେନ ଯୁଦ୍ଧ ଭିତରେ ଋଷ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କୁ ହତ୍ୟା ଉଦ୍ୟମ । କ୍ରେମଲିନ୍ ଉପରେ ଡ୍ରୋନ ଆଟାକ । ରାଷ୍ଟ୍ରପତି ଭ୍ଲାଦିମିର ପୁଟିନଙ୍କୁ ୟୁକ୍ରେନ ହତ୍ୟା ଉଦ୍ୟମ କରିଥିବା ସାଂଘାତିକ ଅଭିଯୋଗ କରିଛି ମସ୍କୋ । ୟୁକ୍ରେନ ପକ୍ଷରୁ ପୁଟିନଙ୍କୁ ହତ୍ୟା ଉଦ୍ଦେଶ୍ୟରେ ଡ୍ରୋନ୍ ଯୋଗେ ଆକ୍ରମଣ କରାଯାଇଥିବା ଋଷ କହିଛି । କ୍ରେମଲିନ ଉପରେ ଡ୍ରୋନ୍ ଆଟାକର ଭିଜୁଆଲ ମଧ୍ୟ ସିସିଟିଭିରେ କଏଦ ହୋଇଛି । ଆକ୍ରମଣ କରିଥିବା ଦୁଇଟି ଡ୍ରୋନକୁ ଖସାଇ ଦିଆଯାଇଛି ବୋଲି ମସ୍କୋ ପକ୍ଷରୁ କୁହାଯାଇଛି । ସେପଟେ ଋଷର ଅଭିଯୋଗକୁ ଖଣ୍ଡନ କରିଛି କିଭ୍ । ୟୁକ୍ରେନ ପକ୍ଷରୁ ଆକ୍ରମଣ କରାଯାଇ ନଥିବା କିଭ୍ କହିଛନ୍ତି ।