ଲ୍ୟାଣ୍ଡିଂ ସମୟରେ ରନୱେରୁ ଖସିଲା କୋରିଆନ ବିମାନ, ଅଳ୍ପକେ ବର୍ତ୍ତିଲା ୧୬୨ ଯାତ୍ରୀଙ୍କ ଜୀବନ

ମନିଲା: ଫିଲିପିନରେ ସୋମବାର ଏକ ବଡ଼ ବିମାନ ଦୁର୍ଘଟଣା ଟଳିଯାଇଛି । କୋରିଆନ ଏୟାରଲାଇନ୍ସର ଏକ ବିମାନ ଫିଲିପିନ ବିମାନବନ୍ଦରରେ ରନୱେ ଟ୍ରାକରୁ ଖସିପଡ଼ିଥିଲା ଏବଂ ପାଖରେ ଥିବା ଘାଷ ପଡ଼ିଆରେ ଫସିଯାଇଥିଲା । ସୌଭାଗ୍ୟବସତଃ ବିମାନରେ ଯାତ୍ରା କରୁଥିବା ୧୬୨ ଯାତ୍ରୀ ଏବଂ ଚାଳକ ଦଳର ୧୧ ସଦସ୍ୟଙ୍କ ମଧ୍ୟରୁ କାହାକୁ ବି ଆଘାତ ଆସିନାହିଁ ।

ଇମରଜେନ୍ସି ଡୋର ଦେଇ ଯାତ୍ରାମାନେ ବାହାରକୁ ସୁରକ୍ଷିତ ବାହାରିଥିଲେ । ଦେଶର ସବୁଠୁ ବ୍ୟସ୍ତ ବିମାନବନ୍ଦର ମଧ୍ୟରୁ ଏକ ମ୍ୟାକ୍ଟିନ ଅନ୍ତର୍ଜାତୀୟ ବିମାନବନ୍ଦର ନିଜର ଏକମାତ୍ର ରନୱେରେ ବିମାନ ଫସିଥିବା କାରଣରୁ ବନ୍ଦ ରହିଛି ଏବଂ ୧୨ରୁ ଅଧିକ ଉଡ଼ାଣ ରଦ୍ଦ କରିଦିଆଯାଇଛି ।

କୋରିଆନ ଏୟାରଲାଇନ୍ସର ଅଧ୍ୟକ୍ଷ ଲୋକମାନଙ୍କୁ କ୍ଷମା ମାଗିଛନ୍ତି ଏବଂ ଏପରି ଘଟଣା ଭବିଷ୍ୟତରେ ହେବାରୁ ରୋକିବା ପାଇଁ ଏସିଆର ସବୁଠୁ ପ୍ରତିଷ୍ଠିତ ଏୟାରଲାଇନ୍ସ ମଧ୍ୟରୁ ଏକ କୋରିଆନ ଏୟାର ଦ୍ୱାରା ପଦକ୍ଷେପ ଉଠାଯିବ ବୋଲି ପ୍ରତିଜ୍ଞା କରିଛନ୍ତି । ଏହି ଘଟଣାରେ ବିମାନକୁ ମଧ୍ୟ କ୍ଷତି ପହଞ୍ଚିଛି । ଫିଲିପିନ ଏୟାରଲାଇନ୍ସ ଘଟଣାର ତଦନ୍ତ କରୁଛି ।