ଭୁବନେଶ୍ୱର: ନବମ ଶ୍ରେଣୀ ଛାତ୍ରୀଙ୍କୁ ପ୍ରେମ ନିବେଦନ । ମନା କରିବାରୁ ବଲାତ୍କାର ଉଦ୍ୟମ । ପାଟି କରିବାରୁ ବେକକୁ ଛୁରିରେ କାଟି ଦେଲା ଅଭିଯୁକ୍ତ। ଯୁବତୀ ଜଣଙ୍କ ପାଟି କରିବାରୁ ବେକକୁ ଛୁରିରେ କାଟି ଦେଲା ଅଭିଯୁକ୍ତ। କୋରାପୁଟ ଜିଲ୍ଲା ନନ୍ଦପୁର ଥାନା ଅଞ୍ଚଳରେ ଘଟିଛି ଏହି ଲୋମହର୍ଷଣକାରୀ ଘଟଣା।
ସୂଚନା ଅନୁଯାୟୀ, ସନ୍ଧ୍ୟା ସମୟରେ ନିଜ ସାଙ୍ଗଙ୍କ ସହିତ ଶୌଚ ହେବା ପାଇଁ ଛାତ୍ରୀ ଜଣକ ଯାଉଥିବା ସମୟରେ ଲୁକୁ ନାମକ ବ୍ୟକ୍ତି ପ୍ରେମ ନିବେଦନ କରିଥିଲା। ଏହା ସହ ଜୋର ଜବରଦସ୍ତ କରିବାକୁ ଚେଷ୍ଟା କରିଥିଲା। ଘଟଣା ସ୍ଥଳରୁ ଛାତ୍ରୀଙ୍କ ସାଙ୍ଗ ଦୌଡି ପଳାଇଥିଲା । ପରେ ନାବଳିକାକୁ ବଲାତ୍କାର ପାଇଁ ଉଦ୍ୟମ ବେଳେ ସେ ପାଟି କରିବାରୁ ଲୁକୁ ତାଙ୍କ ବେକକୁ ଛୁରିରେ କାଟି ଦେଇଥିଲା । ପରେ ନାବଳିକା ବେହୋସ ହୋଇଯିବାରୁ ପଥରରେ ତାଙ୍କ ମୁଣ୍ଡକୁ ଆଘାତ କରିଥିଲା ଲୁକୁ । ନାବାଳିକାଙ୍କ ଚିତ୍କାର ଶୁଣି ଘଟଣା ସ୍ଥଳରେ ସ୍ଥାନୀୟ ଲୋକେ ପହଞ୍ଚି ତାଙ୍କୁ ଉଦ୍ଧାର କରି ମେଡିକାଲକୁ ପଠାଇଛନ୍ତି । ଏନେଇ ପରିବାର ପକ୍ଷରୁ ନନ୍ଦପୁର ଥାନାରେ ଅଭିଯୋଗ ହୋଇଛି । ଘଟଣାକୁ ନେଇ ପୋଲିସ ତଦନ୍ତ ଜାରି ରଖିଛି ।
