କୋରାପୁଟ ଜିଲ୍ଲାରେ ପୁଣି ୪୮ ଘଣ୍ଟା ସଟଡାଉନ ଘୋଷଣା କଲା ଜିଲ୍ଲା ପ୍ରଶାସନ

କୋରାପୁଟ: କୋରାପୁଟ ଜିଲ୍ଲା ପ୍ରଶାସନ ପକ୍ଷରୁ ପୁଣି ୪୮ ଘଣ୍ଟା ତଥା ଦୁଇ ଦିନ ପାଇଁ ସଟଡାଉନ ଘୋଷଣା କରାଯାଇଛି । କୋରାପୁଟ ଜିଲ୍ଲାରେ ବର୍ଦ୍ଧିତ କରୋନା ସଂକ୍ରମଣ କୁ ଆଖି ଆଗରେ ରଖି ସଟଡାଉନ ଘୋଷଣା କରିଛନ୍ତି ଜିଲ୍ଲାପାଳ ମଧୁସୂଦନ ମିଶ୍ର । ପୂର୍ବରୁ ବି ଦୁଇ ଦିନ ସଟଡାଉନ କରାଯାଇଥିଲା। ଜିଲ୍ଲାରେ ବର୍ତ୍ତମାନ ଦିନକୁ ଦିନ ବୃଦ୍ଧି ପାଉଛି କରୋନା ଆକ୍ରାନ୍ତଙ୍କ ସଂଖ୍ୟା ।

ସଂକ୍ରମଣ ଚେନକୁ ରୋକିବାକୁ ଏପରି କରାଯାଇଥିବା କହିଛନ୍ତି ଜିଲ୍ଲାପାଳ କହିଛନ୍ତି । ସଚଡାଉନ ସମୟରେ କୌଣସି ଅମାନିଆ କାମ ନଥାଇ ରାସ୍ତାରେ ବୁଲିଲେ ପୋଲିସ ଦୃଷ୍ଟାନ୍ତ ମୂଳକ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ନିର୍ଦେଶ ଦେଇଛନ୍ତି କୋରାପୁଟ ଜିଲ୍ଲାପାଳ । ଏଥିସହ ବାହାର ଜିଲ୍ଲାରୁ କୌଣସି ଲୋକଙ୍କୁ ଜିଲ୍ଲା ଭିତରେ ପ୍ରବେଶ କରାଯାଇପାରିବ ନାହିଁ ବୋଲି କହିଛନ୍ତି ।

ଅନ୍ୟପଟେ କୋରାପୁଟ ଜିଲ୍ଲା ଲମତାପୁଟ ବ୍ଲକରେ କାର୍ଯ୍ୟ କରୁଥିବା ୯ ଜଣ କରୋନା ଯୋଦ୍ଧ। କରୋନା ପଜିଟିଭ ଚିହ୍ନଟ ହେବା ପରେ ସମଗ୍ର ଲମତାପୁଟ ବ୍ଲକରେ ଆତଙ୍କ ସୃଷ୍ଟି ହୋଇଛି । ଏପଟେ ସଂକ୍ରମଣକୁ ରୋକିବା ପାଇଁ ଲମତାପୁଟ ବ୍ଲକର ଅନକାଡେଲି, ମାଛକୁଣ୍ଡ, ପଇବେଡା, ମାଟାମପୁଟ, ଲମତାପୁଟ, ଗୁମାଲପୁଟ, ଉଚେଇପଡା, ବାଦିଗଡ, ଟିଆକଣ୍ଟା, ପରଜା ଖୁଡୁବିକୁ ଜିଲ୍ଲା ପ୍ରଶାସନଙ୍କ ନିର୍ଦ୍ଦେଶରେ  ବ୍ଲକ ପ୍ରଶାସନ କଣ୍ଟେନମେଣ୍ଟ ଜୋନ ଭାବରେ ଘୋଷଣା କରିଛନ୍ତି ।

ତେବେ ପ୍ରଥମ କରି ଲମତାପୁଟ ବ୍ଲକରେ କାର୍ଯ୍ୟ କରୁଥିବା ୯ଜଣ ଅଙ୍ଗନବାଡ଼ି ଆଶା କର୍ମୀ ଓ ୬ ଜଣ ସାଧାରଣ ଲୋକ କରୋନା ପଜିଟିଭ ଚିହ୍ନଟ ହେବା ପରେ  ଲୋକଙ୍କ ମନରେ ଛନକା ପଶି ଯାଇଛି  । ଆଜି ଲମତାପୁଟ ବ୍ଲକର ଅନକାଡେଲି ଗୁରୁବାର ସାପ୍ତାହିକ ହାଟକୁ ମଧ୍ୟ ସମ୍ପୂର୍ଣ ଭାବରେ ବନ୍ଧ କରିବା ସହ ସମସ୍ତ ଦୋକାନ ବଜାରକୁ ମଧ୍ୟ ବନ୍ଦ କରାଯାଇଛି ।