ବିଜୟାନଗରମ୍ ପ୍ରଶାସନକୁ କୋରାପୁଟ ଜିଲ୍ଲାପାଳଙ୍କ ଚିଠି, ନିର୍ବାଚନ ବନ୍ଦ କରିବାକୁ ଦାବି
କୋରାପୁଟ: କୋଟିଆ ପଞ୍ଚାୟତରେ ଆନ୍ଧ୍ରପ୍ରଦେଶର ବେଆଇନ୍ ନିର୍ବାଚନ କୋରାପୁଟ ଜିଲ୍ଲାପାଳ ଚିଠି ଲେଖିଛନ୍ତି । ଆନ୍ଧ୍ରପ୍ରଦେଶ ବିଜୟାନଗରମ୍ ଜିଲ୍ଲାପାଳଙ୍କୁ ଚିଠି ଲେଖି କୋଟିଆରେ ନିର୍ବାଚନକୁ ବେଆଇନ୍ ଦର୍ଶାଇଛନ୍ତି । ଓଡ଼ିଶାର କଣ୍ଟେପ୍ଟ ପିଟିସନ୍ ଆଧାରରେ ସୁପ୍ରିମକୋର୍ଟ ଆନ୍ଧ୍ର ପ୍ରଦେଶକୁ ନୋଟିସ୍ ଜାରି କରିଛନ୍ତି । ମାମଲାର ପରବର୍ତ୍ତୀ ଶୁଣାଣି ଫେବ୍ରୁଆରୀ ୧୯ ତାରିଖରେ ହେବ ।
ସେହିଭଳି ୧୯୬୮ରେ ସୁପ୍ରିମକୋର୍ଟ ସୀମା ବିବାଦର ଶୁଣାଣି କରି ସ୍ଥିତାବସ୍ଥା ବଜାୟ ରଖିବାକୁ ନିର୍ଦ୍ଦେଶ ଦେଇଥିଲେ । ସେହି ଅନୁସାରେ ଆନ୍ଧ୍ର ପ୍ରଦେଶ ପଦକ୍ଷେପ ନେଇନାହିଁ । କୋଟିଆରେ ଆନ୍ଧ୍ର ବେଆଇନ୍ ଭାବେ କରୁଥିବା ନିର୍ବାଚନ ବନ୍ଦ କରିବା ପାଇଁ ପଦକ୍ଷେପ ନେବାକୁ କୋରାପୁଟ ଜିଲ୍ଲାପାଳ ଚିଠିରେ ଉଲ୍ଲେଖ କରିଛନ୍ତି ।
