ଭିଜିଲାନ୍ସ ଜାଲରେ କୋରାପୁଟ, ବୈପାରିଗୁଡ଼ା ଥାନା ଅଧିକାରୀ

କୋରାପୁଟ : ଭିଜିଲାନ୍ସ ଜାଲରେ ଆଇଆଇସି । ଭିଜିଲାନ୍ସ ହାତରେ ଧରାପଡ଼ିଛନ୍ତି କୋରାପୁଟ ଜିଲ୍ଲା ବୈପାରିଗୁଡ଼ା ଥାନା ଅଧିକାରୀ ସୁଶାନ୍ତ କୁମାର ଶତପଥୀ  । ତାଙ୍କ ନିକଟରୁ ନଗଦ ଦୁଇ ଲକ୍ଷ ୭୦ ହଜାର ଟଙ୍କା ଜବତ କରିଛି ଭିଜିଲାନ୍ସ  । ଏକ ବସରେ ଟଙ୍କା ନେଇ ଘରକୁ ଗଲାବେଳେ ଜୟପୁର ଟାଙ୍କୁଆ ନିକଟରେ ଚଢାଉ କରିଥିଲେ ତଦନ୍ତକାରୀ ଟିମ୍  । ଏତେ ଟଙ୍କା ସେ କେଉଁଠୁ ଆଣିଲେ ଓ କୁଆଡ଼େ ନେଇଯାଉଥିଲେ ସେନେଇ ସନ୍ତୋଷଜନକ ଉତ୍ତର ଦେଇପାରିନଥିଲେ ଆଇଆଇସି । ଆଇଆଇସିଙ୍କୁ ଅଟକ ରଖି ପଚରାଉଚରା କରୁଛି ଭିଜିଲାନ୍ସ  ।

ବୈପାରିଗୁଡ଼ା ଥାନାରେ ଆଇଆଇସିଙ୍କ ଚ୍ୟାମ୍ବରରେ ମଧ୍ୟ ଚଢାଉ କରିଛି ଭିଜିଲାନ୍ସ  । ସେଠାରୁ ୧ ଲକ୍ଷ ୮୦ ହଜାର ଟଙ୍କା ଜବତ ହୋଇଛି । ଏହା ସହ ତାଙ୍କ କ୍ବାର୍ଟରରୁ ଆଉ ୩ ଲକ୍ଷ ଟଙ୍କା ଜବତ କରାଯାଇଛି  । ମୋଟ  ସାଢେ ୭ ଲକ୍ଷ ନଗଦ ଟଙ୍କା ଜବତ ହୋଇଥିବାବେଳେ ତଦନ୍ତ ଜାରି ରଖିଛି ଭିଜିଲାନ୍ସ  ।