କୋରାପୁଟ ଜିଲ୍ଲା ହେଲା ମାଓମୁକ୍ତ। ଏହି ସୂଚନା ଦେଇଛନ୍ତି ଦକ୍ଷିଣ ପଶ୍ଚିମାଞ୍ଚଳ ଡିଆଇଜି କନୱର ବିଶାଳ ସିଂ। କୋରାପୁଟ ପୋଲିସ ମୁଖ୍ୟାଳୟରେ ଡିଆଇଜିଙ୍କ ନିକଟରେ ଆଜି ଆତ୍ମସମର୍ପଣ କରିଛନ୍ତି ମାଓ ନେତ୍ରୀ ମମତା ପଡ଼ିଆମୀ। ସେ ଛତିଶଗଡ଼ ବିଜାପୁର ଡିଭିଜନରେ କାମ କରୁଥିଲେ। ମମତା ପଡ଼ିଆମୀ ବନ୍ଧୁକ ସହିତ ଆତ୍ମ ସମର୍ପଣ କରିଛନ୍ତି। ତାଙ୍କ ଠାରୁ ଟିଫିନ ବୋମା ସହିତ ଅଫୁଟା ଗୁଳି ଓ ଅନ୍ୟାନ୍ୟ ସାମଗ୍ରୀ ଜବତ କରାଯାଇଛି। ମାଓ ବାଦୀଙ୍କୁ ମୁଖ୍ୟ ସ୍ରୋତରେ ସାମିଲ କରିବାକୁ ସରକାର ସବୁ ବେଳେ କହି ଆସୁଛନ୍ତି। ଆତ୍ମ ସମର୍ପଣ କଲେ ସରକାର ଙ୍କ ତରଫରୁ ସହାୟତା ରାଶି ମଧ୍ୟ ଯୋଗାଇ ଦିଆ ଯାଉଛି। ସରକାର ଆହ୍ୱାନ କ୍ରମେ ମମତା ପଡ଼ିଆମୀ ସମାଜ ର ମୁଖ୍ୟ ସ୍ରୋତ ରେ ସାମିଲ ହୋଇଛନ୍ତି। ସରକାର ଙ୍କ ନିୟମ ଅନୁସାରେ ସମସ୍ତ ସୁବିଧା ଯୋଗାଇ ଦିଆଯିବ ବୋଲି ସାମ୍ବାଦିକ ସମ୍ବିଳନୀ ରେ ଡ଼ିଆଇଜି କହିଛନ୍ତି। ଗତକାଲି ମାଲକାନଗିରି ଜିଲ୍ଲା ମାଓ ମୁକ୍ତ ଘୋଷଣା ହୋଇଥିବା ବେଳେ ଆଜି କୋରାପୁଟ ଜିଲ୍ଲାକୁ ମାଓ ମୁକ୍ତ ଜିଲ୍ଲା ଭାବରେ ଘୋଷଣା କରାଯାଇଛି। କୋରାପୁଟ ଜ଼ିଲ୍ଲା ସମ୍ପୂର୍ଣ୍ଣ ମାଓ ମୁକ୍ତ ହୋଇଥିଲେ ମଧ୍ୟ ପୋଲିସ ର ନଜର ରହିଛି ବୋଲି ଡ଼ିଆଇଜି କହିଛନ୍ତି।
