ଗ୍ୟାସ୍ ସିଲିଣ୍ଡର୍ ଟାଙ୍କି ଫାଟି ଜଳିଗଲା ପ୍ଲାଷ୍ଟିକ ମୂର୍ତ୍ତି ଗୋଦାମ

ନନ୍ଦିଘୋଷ ବ୍ୟୁରୋ: ଗ୍ୟାସ୍ ସିଲିଣ୍ଡର୍ ଟାଙ୍କି ଫାଟି ଜଳିଗଲା ପ୍ଲାଷ୍ଟିକ ମୂର୍ତ୍ତି ଗୋଦାମ । ଲକ୍ଷାଧିକ ଟଙ୍କାର ସାମଗ୍ରୀ ନଷ୍ଟ । ପୁରୀ ଜିଲ୍ଲା ଗୋପ ଥାନା ବେଗୁନିଆ ଛକରେ ଅଘଟଣ । ହୁତୁ ହୁତୁ ହୋଇ ଜଲିଗଲା ପ୍ଲାଷ୍ଟିକ ମୂର୍ତ୍ତି ଗୋଦାମ । ବେଗୁନିଆ ଅଞ୍ଚଳରେ ବୁଲୁ ସାହୁଙ୍କ ପ୍ଲାଷ୍ଟିକ ମୂର୍ତ୍ତି ଗୋଦାମରେ ବିଦ୍ୟୁତ ସର୍ଟ ସର୍କିଟ ଯୋଗୁ ହଟାତ୍   ନିଆଁ ଲାଗିବା ଫଳରେ ଗୋଦାମ ଭିତରେ ଥିବା ଗ୍ୟାସ୍ ସିଲିଣ୍ଡର୍ ଫାଟି ଯାଇଥିଲା । କିଛି ସମୟ ଭିତରେ ଗୋଦାମଟି ସମ୍ପୂର୍ଣ୍ଣ ଭାବେ ଜଳି ଯାଇଥିଲା । ତେବେ ଗୋଦାମ ଭିତରେ ଥିବା କିଛି ମୂର୍ତ୍ତି କାରିଗର ଏବଂ ତାଙ୍କ ପରିବାର ଅଳ୍ପକେ ବର୍ତ୍ତି ଯାଇଛନ୍ତି । ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଥିଲା । ତେବେ ଟାଙ୍କି ଫାଟିବାର ଶବ୍ଦ ଏତେ ଭୟଙ୍କର ଥିଲା ଯେ ସମ୍ପୂର୍ଣ ଅଞ୍ଚଳବାସୀ ଭୟଭୀତ ହୋଇ ପଡ଼ିଥିଲେ ।.