ଆମ୍ବ ଗଛକୁ ଧକ୍କା ଦେଲା କାର, ୨ ମୃତ

କୋଣାର୍କ : ଗତ ବିଳମ୍ବିତ ରାତ୍ରରେ କୋଣାର୍କ ଜୁଣେଇ ଛକ ନିକଟରେ ଦୁର୍ଘଟଣା । ଆମ୍ବ ଗଛକୁ ଧକ୍କା ଦେଲା ଦ୍ରୁତଗାମୀ କାର । ଦୁର୍ଘଟଣାରେ ୨ ଜଣଙ୍କ ମୃତ୍ୟୁ ହୋଇଥିବା ବେଳେ ଜଣେ ଗୁରୁତର ଅଛନ୍ତି । ମୃତକ ନିଆଳି ଥାନା ଅନ୍ତର୍ଗତ ବିନିସପୁର ଗାଁର ବିଶ୍ଵଜିତ୍ ସାହୁ ଓ ପ୍ରଦୀପ ସାହୁ ହୋଇଥିବା ବେଳେ ଗୁରୁତର ଜଣଙ୍କ ହେଲେ ତପନ ସାହୁ  । ଗତ ରାତିରେ ଦୁର୍ଘଟଣା ହୋଇଥିବା ବେଳେ ଅଗ୍ନିଶମ ବାହିନୀ ପହଞ୍ଚି ମୃତାହତଙ୍କୁ ଉଦ୍ଧାର କରି ହସ୍ପିଟାଲରେ ଭର୍ତ୍ତି କରିଥିଲା । କୋଣାର୍କ ବୁଲିବାକୁ ଆସିଥିବା ବେଳେ ଦୁର୍ଘଟଣା ହୋଇଛି ।