ବାଘ ଧରିବାକୁ ଯାଇ ବନ କର୍ମଚାରୀ ଗୁରୁତର

କୋଲକାତା : ବାଘ ଧରିବାକୁ ଯାଇ ବନ କର୍ମଚାରୀ ଗୁରୁତର । ଉଦ୍ଧାର କରି ମେଡିକାଲରେ ଭର୍ତ୍ତି କଲେ ସ୍ଥାନୀୟ ଲୋକେ । ଘଟଣାଟି ଘଟିଛି ପଶ୍ଚିମ ବଙ୍ଗ ଦକ୍ଷିଣ ୨୪ ପ୍ରଗଣା ଜିଲ୍ଲାରୁ କୁଲତଲି ଅଞ୍ଚଳରେ । ସୁନ୍ଦରବନ ଜଙ୍ଗଲରୁ ଏକ ବାଘ ଆସି ବିଭିନ୍ନ ଗ୍ରାମରେ ବୁଲୁଥିବା ଦେଖି ଗ୍ରାମବାସୀ ବନ ବିଭାଗକୁ ଖବର ଦେଇଥିଲେ । ବନବିଭାଗ ଅଧିକାରୀ ବାଘଟିକୁ ଟ୍ରାକ କରି ଧରିବାକୁ ଉଦ୍ୟମ କରିଥିଲେ । ନୈପୀଠ ଗ୍ରାମରେ ଧରିବା ପାଇଁ ଯାଇଥିବାବେଳେ ବାଘଟି ବନବିଭାଗ ଅଧିକାରୀ ଉପରେ ଆକ୍ରମଣ କରି ତାଙ୍କୁ କାମୁଡ଼ି ଧରିଥିଲା । ଏହାଦେଖି ଗ୍ରାମବାସୀ ଲାଠିରେ ବାଘକୁ ଆକ୍ରମଣ କରି ବନ କର୍ମଚାରୀଙ୍କୁ ଉଦ୍ଧାର କରିଥିଲେ । ଗୁରୁତର ବନ କର୍ମଚାରୀଙ୍କୁ ମେଡିକାଲରେ ଭର୍ତ୍ତି କରାଯାଇଛି । ଲେକ ଆତଙ୍କିତ ଥିବାରୁ ଘଟଣା ସ୍ଥଳରେ ପୋଲିସ ଓ ବନବିଭାଗ ବହୁ ସଂଖ୍ୟାରେ ଅଧିକାରୀ ଉପସ୍ଥିତ ରହି ବାଘ ଉପରେ ନଜର ରଖିଛନ୍ତି ।