କୋଲକାତା ଡାକ୍ତରୀ ଛାତ୍ରୀଙ୍କୁ ଦୁଷ୍କର୍ମ ଓ ହତ୍ଯା ଘଟଣା : ହସ୍ପିଟାଲରେ ଦୁର୍ବୃତ୍ତଙ୍କ ବ୍ଯାପକ ଭଙ୍ଗାରୁଜା

କୋଲକାତା : କୋଲକାତା ଆରଜି କର ମେଡିକାଲ କଲେଜ ଆଣ୍ଡ ହସ୍ପିଟାଲରେ ଡାକ୍ତରୀ ଛାତ୍ରୀଙ୍କୁ ଦୁଷ୍କର୍ମ ଓ ହତ୍ଯା ଘଟଣା। ହସ୍ପିଟାଲରେ ବ୍ଯାପକ ଭଙ୍ଗାରୁଜା ପରେ ବଢିଛି ଉତ୍ତେଜନା। ଆନ୍ଦୋଳନକାରୀଙ୍କୁ ହଟାଇବା ଲାଗି ପୋଲିସ ଲାଠି ଚାଳନା କରିବା ସହ ଲୁହବୁହା ଗ୍ଯାସ ପ୍ରୟୋଗ କରିଛି। ପୋଲିସ ମାଡରେ କେତେକ ଆନ୍ଦୋଳନକାରୀ ଆହତ ହୋଇଥିବା ସୂଚନା ମିଳିଛି।

ଗତକାଲି ରାତିରେ କୋଲକାତାରେ ହଜାର ହଜାର ମହିଳା ବିକ୍ଷୋଭ କରିଥିଲେ। ଛାତ୍ରୀଙ୍କୁ ଦୁଷ୍କର୍ମ ଓ ହତ୍ଯା ପ୍ରତିବାଦରେ ଆନ୍ଦୋଳନକାରୀମାନେ ହସ୍ପିଟାଲରେ ବଳପୂର୍ବକ ପ୍ରବେଶ କରିବା ସହ ବ୍ଯାରିକେଡ ଭାଙ୍ଗିଥିଲେ। ହସ୍ପିଟାଲରେ ପ୍ରବେଶ କରି ବ୍ଯାପକ ଭଙ୍ଗାରୁଜା କରିଥିଲେ। ଆକ୍ରମଣରେ ହସ୍ପିଟାଲର ଏମର୍ଜେନସି ୱାର୍ଡ ଓ କେତେକ ପୋଲିସ ଗାଡି ନଷ୍ଟ ହୋଇଛି।