ରାହୁଲ-ଆଥିଆଙ୍କ ଉପରେ ଗିଫ୍ଟ ବର୍ଷା, ରାହୁଲଙ୍କୁ ବିଏମଡବ୍ଲ୍ୟୁ କାର ଗିଫ୍ଟ ଦେଲେ କୋହଲି

ମୁମ୍ବାଇ: ଚର୍ଚ୍ଚିତ ନବଦମ୍ପତିଙ୍କୁ ଗିଫ୍ଟ ବର୍ଷା । ବଲିଉଡ ଅଭିନେତ୍ରୀ ଆଥିୟା ସେଟ୍ଟୀ ଓ କ୍ରିକେଟର କେ.ଏଲ. ରାହୁଲଙ୍କୁ ଗିଫ୍ଟ ବର୍ଷା । ଚର୍ଚ୍ଚିତ ବାହାଘରରେ ଉଭୟଙ୍କୁ ମିଳିଛି କୋଟି କୋଟି ଟଙ୍କାର ଗିଫ୍ଟ । କନ୍ୟା ଆଥିୟାଙ୍କୁ ବାପା ତଥା ଅଭିନେତା ସୁନୀଲ ସେଟ୍ଟୀ ଦେଇଛନ୍ତି ଆଖି ଝଲସିଯିବା ପରି ଆପାର୍ଟମେଣ୍ଟ । ଯାହାର ଦାମ୍ ୫୦ କୋଟି ଟଙ୍କା । ମୁମ୍ବାଇରେ ଥିବା ଏକ ଫ୍ୟାନସି ଆପାର୍ଟମେଣ୍ଟ ଲାଭ କରିଛନ୍ତି ଆଥିୟା । ପଛରେ ପଡିନାହାନ୍ତି ସୁପରଷ୍ଟାର ସଲମାନ ଖାଁ । ଆଥିୟାଙ୍କୁ ସଲମାନ ଖାନ୍ ଦେଇଛନ୍ତି ଏକ ଅଡି କାର । ଯାହାର ଦାମ୍ ରହିଛି ୧ କୋଟି ୬୪ ଲକ୍ଷ ଟଙ୍କା ।

ବର୍ଡର, ରିଫ୍ୟୁଜି ଆଦି ଚଳଚ୍ଚିତ୍ରରେ ସୁନୀଲ ସେଟ୍ଟୀଙ୍କ ସହତାରକା ଥିବା ଜ୍ୟାକି ସ୍ରଫ ଦେଇଛନ୍ତି ସୁଇସ ଲକ୍ଜରୀ ଘଣ୍ଟା ଯାହାର ଦାମ ୩୦ ଲକ୍ଷ ଟଙ୍କା । ଆଥିୟାଙ୍କ ବନ୍ଧୁ ଅର୍ଜୁନ କପୁର ଦେଇଛନ୍ତି ଦେଢ କୋଟି ଟଙ୍କାର ଡାଏମଣ୍ଡ ବ୍ରେସଲେଟ । ଆଥିୟାଙ୍କ ସ୍ବାମୀ ତଥା କ୍ରିକେଟର କେ.ଏଲ. ରାହୁଲଙ୍କ ଉପରେ ହୋଇଛି ଗିଫ୍ଟ ବର୍ଷା । ଭାରତୀୟ ଦଳର ଷ୍ଟାର କ୍ରିକେଟର ବିରାଟ କୋହଲି ରାହୁଲଙ୍କୁ ଦେଇଛନ୍ତି ୨ କୋଟି ୧୭ ଲକ୍ଷ ଟଙ୍କାର ଏକ ବିଏମଡବ୍ଲୁ କାର । ସେହିପରି କ୍ରିକେଟର ମହେନ୍ଦ୍ର ସିଂ ଧୋନି ଦେଇଛନ୍ତି ୮୦ ଲକ୍ଷ ଟଙ୍କାର ଏକ କାଓ୍ବାସାକି ନିଞ୍ଜା ବାଇକ ।