କୋହଲିଙ୍କୁ ଟ୍ରୋଲ କଲେ ପାକିସ୍ଥାନୀ

ଦୁବାଇ : ଚାଲିଛି ଟି-ଟ୍ୱେଣ୍ଟି ୱାଲ୍ଡ କପ୍ । ଗତକାଲି ଆଫଗାନିସ୍ତାନ ନ୍ୟୁଜିଲ୍ୟାଣ୍ଡକୁ ହରାଇବା ପରେ ଭାରତର ସେମିଫାଇନାଲକୁ ଯିବାର ସ୍ୱପ୍ନ ଅଧାରେ ରହିଗଲା । ମ୍ୟାଚ୍ ସରିବା ପରେ ଇଣ୍ଡିଆନ ଟିମ୍ କ୍ୟାପଟେନ୍ ବିରାଟଙ୍କ ଏକ ପୁରୁଣା ଟ୍ୱିଟ୍ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । କୋହଲି ୨୦୧୨ ମାର୍ଚ୍ଚ ୨୦ରେ ନିଜ ଟ୍ୱିଟର ଆକାଉଣ୍ଟରେ ଏସିଆ କପ୍ ସମୟରେ ଏହି ଟ୍ୱିଟ୍ କରିଥିଲେ । ଏହି ଟ୍ୱିଟରେ ସେ ଲେଖିଥିଲେଯେ “କାଲି ମୁଁ ଘରକୁ ଯାଉଛି । ମତେ ଭଲଲାଗୁନି ।”

بڑے بے آبرو ہو کہ
کوچہ یار سے نکلے
بھارتی کرکٹ ٹیم بےآبرو ہو کہ دبئی سے وطن واپس روانہ#teamindia #NamakHaram #mukaMuka pic.twitter.com/VH6ChVWY4O

— Owais Khan (@OwaisKh91) November 7, 2021

କୋହଲିଙ୍କର ଏହି ଟ୍ୱିଟକୁ ନେଇ ପାକିସ୍ତାନୀ ଲୋକେ ବର୍ତ୍ତମାନ ସୋସିଆଲ ମିଡିଆରେ ଖୁବ୍ ଟ୍ରୋଲ କରୁଛନ୍ତି । ସେମାନେ ଏହି ଟ୍ୱିଟକୁ ଲାଇକ୍ କରିବା ସହ ରିଟ୍ୱିଟ୍ ମଧ୍ୟ କରୁଛନ୍ତି ଏଥିସହ କମେଣ୍ଟରେ କୋହଲିଙ୍କ ମଜା ଉଡ଼ାଉଛନ୍ତି  । ଚଳିତ ବର୍ଷ ଟି-ଟ୍ୱେଣ୍ଟି ୱାଲ୍ଡ କପରେ ଭାରତର ଖେଳ ପ୍ରଦର୍ଶନୀକୁ ନେଇ ପାକିସ୍ତାନୀ କୋହଲିଙ୍କର ଏହି ଟ୍ୱିଟକୁ ଯୋଡ଼ୁଛନ୍ତି  ।

୨୦୧୨ରେ ହୋଇଥିବା ଏସିଆ କପରେ ମଧ୍ୟ ଟିମ୍ ଇଣ୍ଡିଆ ଭଲ ପ୍ରଦର୍ଶନୀ କରିପାରିନଥିଲା । ଫାଇନାଲରେ ମଧ୍ୟ ଟିମ୍ ଇଣ୍ଡିଆ ପହଁଞ୍ଚି ପାରିନଥିଲା । ବାଙ୍ଗଲାଦେଶକୁ ହରାଇ ପାକିସ୍ତାନ କପ୍ ନେଇଥିଲା । ଚଳିତ ବର୍ଷ ଟି-ଟ୍ୱେଣ୍ଟି ୱାର୍ଡ କପରେ ଟିମ୍ ଇଣ୍ଡିଆ ସୁପର-୧୨ରୁ ବାଦ୍ ପଡ଼ିଥିବା ବେଳେ ପାକିସ୍ତାନ ଖୁବ୍ ଭଲ ପ୍ରଦର୍ଶନୀ କରିବା ସହ ସେମିଫାଇନାଲରେ ନିଜ ସ୍ଥାନ ଅକ୍ତିଆର କରିସାରିଛି ।