ବଢ଼ୁଛି ଇଲେକ୍ଟ୍ରିକ୍ ବାଇକର ଚାହିଦା, ଜାଣନ୍ତୁ ଏହାକୁ କିଣିଲେ କ’ଣ ମିଳିବ ଫାଇଦା

ନୂଆଦିଲ୍ଲୀ: ଆକାଶଛୁଆଁ ତେଲ ଦର । ୧୦୦ ଟଙ୍କା ପାର କଲାଣି ତେଲ ଦର । ଫଳରେ ହଇରାଣ ହେଉଛନ୍ତି ସାଧାରଣ ଲୋକ । ସେଥିପାଇଁ ଏବେ କିଛି ଲୋକ ଇଲେକ୍ଟ୍ରିକ୍ ଭେଇକିଲ୍ ବା ଇଭି ଆଡ଼କୁ ମୁହାଁଇଲେଣି। କାରଣ ଇଲେକ୍ଟୋରନିକ୍ ବା ବ୍ୟାଟ୍ରୀଯୁକ୍ତ ଗାଡ଼ିର ରନିଂ କଷ୍ଟ ପେଟ୍ରୋଲ ଡିଜେଲ୍ ଗାଡ଼ିଠୁ ଶସ୍ତା।

ଏବି ଇଲେକ୍ଟ୍ରିକ୍ ଗାଡ଼ିଗୁଡ଼ିକର ଲୋକପ୍ରିୟତା ଦିନକୁ ଦିନ ବଢ଼ୁଛି । କିନ୍ତୁ ଗ୍ରାହକଙ୍କ ପାଇଁ ସବୁଠାରୁ ବଡ ଅସୁବିଧା ହେଉଛି ପାରମ୍ପାରିକ ଇନ୍ଧନ ଯାନ ତୁଳନାରେ ଏହାର ମୂଲ୍ୟ ଟିକେ ଅଧିକ। ଯଦିଓ ଇଭିଗୁଡ଼ିକର ମୂଲ୍ୟ ଅଧିକ କିନ୍ତୁ ଥରେ ଏହାକୁ ଥରେ କିଣିଲା ପରେ ଏହା ପଛରେ ଖର୍ଚ୍ଚ ଇନ୍ଧନ ଗାଡ଼ିଠୁ ଯଥେଷ୍ଟ କମ୍ । ଏକ ପେଟ୍ରୋଲ ଗାଡ଼ି ତୁଳନାରେ ଇଭିର ରନିଂ କଷ୍ଟ ପ୍ରାୟ ୫ ପ୍ରତିଶତ କମ୍ । ଆଜିର ବିଜୁଳି ଦର ହିସାବରେ ଦେଖିବାକୁ ଗଲେ ଆପଣଙ୍କୁ ଇନ୍ଧନଯୁକ୍ତ ଗାଡ଼ିରେ ତେଲର ମୂଲ୍ୟ ବର୍ଷକୁ ପ୍ରାୟ ୧୨ ହଜାର ୪୮୩ ଟଙ୍କା ପଡ଼ୁଥିବାବେଳେ ଇଭି ଗାଡ଼ିର ବର୍ଷକୁ ବିଜୁଳି ଖର୍ଚ୍ଚ ମାତ୍ର ୨ ହଜାର ୧୨୭ ଟଙ୍କା ପଡ଼ିବ। ଭାରତରେ ଏହି ଇଲେକ୍ରୋନିକ ଗାଡ଼ି ଫୁଲ ଚାର୍ଜ ପାଇଁ ପ୍ରାୟ ସାଢ଼େ ୪ ଘଣ୍ଟା ସମୟ ନିଏ, ଯେଉଁଥିରେ ପାଖାପାଖି ୩୦ ୟୁନିଟ୍ ବିଜୁଳି ଖର୍ଚ୍ଚ ହୁଏ । ୟୁନିଟ ପିଛା ୩ ଟଙ୍କା ହିସାବ କଲେ ଏହି ଗାଡ଼ି ଫୁଲ ଚାର୍ଜ ହେବାରେ ୯୦ ଟଙ୍କା ଖର୍ଚ୍ଚ ହେବ। ଆଉ ଥରେ ଚାର୍ଜରେ ଏହି ଗାଡ଼ି ୮୦ରୁ ୧୫୦ କିମି ଚାଲିପାରିବ।

ଏମିତି ସମୟ ଆଉ ଦୂର ନୁହଁ ଯେବେ ପେଟ୍ରୋଲ ସ୍କୁଟର ଏବଂ ମୋଟରସାଇକେଲର ତେଲ ଟ୍ୟାଙ୍କ ଫୁଲ୍ କରିବା ଅନେକଙ୍କ ପାଇଁ ସ୍ୱପ୍ନ ହୋଇଯିବ । ଆଉ ଏହାର ବିକଳ୍ପରେ ଲୋକମାନେ ଇଭି ଗାଡ଼ି ପ୍ରତି ଆକୃଷ୍ଟ ହେବେ। କାହିକିନା ଏହା ଗ୍ରାହକଙ୍କୁ  ଲଙ୍ଗଟର୍ମ ପାଇଁ ଲୋ ରନିଂ କଷ୍ଟ ଦେବ ।