କରୋନା ସଂକ୍ରମଣରେ ସଂକ୍ରମିତ ହୋଇଥିବା ବ୍ୟକ୍ତିଙ୍କୁ ନିଜ ସ୍ୱାସ୍ଥ୍ୟର ଅଧିକ ଯତ୍ନ ନେବା ଉଚିତ। ସଂକ୍ରମଣ ସମୟରେ ଡାକ୍ତରଙ୍କ ପରାମର୍ଶ କ୍ରମେ ନିଜର ଧ୍ୟାନ ରଖିବା ଉଚିତ। ଅନେକ ବ୍ୟକ୍ତି କରୋନାରୁ ଠିକ୍ ହେବାପରେ ନିଜର ସ୍ୱାସ୍ଥ୍ୟ ପ୍ରତି ଅବହେଳା କରନ୍ତି। ହେଲେ ଆପଣ ଜାଣିରଖିବା ଉଚିତ ଯେ ଏହି ସମୟରେ ଆପଣଙ୍କ ଶରୀର ବହୁତ ଦୁର୍ବଳ ଥାଏ। ତେଣୁ ଆପଣଙ୍କୁ ନିଜ ସ୍ୱାସ୍ଥ୍ୟ ପ୍ରତି ଗୁରୁତ୍ୱ ଦେବା ନିହାତି ଆବଶ୍ୟକ। କରୋନା ଆମ ଶରୀରରେ ଯେତେ ପ୍ରଭାପ ପକାଏ ସେତିକି ମାନସିକ ପ୍ରଭାବ ବି ପକାଇଥାଏ। ତେବେ ଆସନ୍ତୁ ଜାଣିବା କରୋନାରୁ ସୁସ୍ଥ ହେଲା ପରେ ନିଜ ସ୍ୱାସ୍ଥ୍ୟର ଯତ୍ନ କେମିତି ନେବେ।
ସୁସ୍ଥକର ଭୋଜନ କରନ୍ତୁ:
କରୋନା ସଂକ୍ରମିତ ହେବା ପୂର୍ବରୁ ଏବଂ ପରେ ପୁଷ୍ଟିକର ଖାଦ୍ୟ ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଶରୀରର ଇମ୍ୟୁନ୍ ସିଷ୍ଟମକୁ ମଜଭୁତ କରିବା ପାଇଁ ସୁସ୍ଥକର ଖାଦ୍ୟ ଖାଇବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଭିଟାମିନ୍ ଓ ପ୍ରୋଟିନଯୁକ୍ତ ଖାଦ୍ୟ ସହ ବିଭିନ୍ନ ପ୍ରକାରର ଫଳ ଏବଂ ପନିପରିବା ଖାଇବା ଜାରି ରଖନ୍ତୁ।
ଶରୀରକୁ ବିଶ୍ରାମ ଦିଅନ୍ତୁ:
କୋଭିଡ ସଂକ୍ରମଣ ପରେ ପ୍ରାୟ ଲୋକଙ୍କ ଶରୀର ଦୁର୍ବଳ ହୋଇଯାଏ। ତେଣୁ କିଛିଦିନ ପାଇଁ ଅତ୍ୟଧିକ ଶାରୀରିକ ପରିଶ୍ରମରୁ ଦୂରେଇ ରୁହନ୍ତୁ। ଯେତେ ସମ୍ଭବ ନିଜ ଶରୀରକୁ ବିଶ୍ରାମ ଦିଅନ୍ତୁ। ଠିକ୍ ସମୟରେ ଶୁଅନ୍ତୁ। ବିଳମ୍ବ ରାତି ପର୍ଯ୍ୟନ୍ତ ଚେଇଁ ରୁହନ୍ତୁ ନାହିଁ। କାରଣ ନିଜ ପୂରା ନ ହେଲେ ଆପଣଙ୍କ ଶୀରର ରୋଗ ପ୍ରତିରୋଧକ ଶକ୍ତି ଦୁର୍ବଳ ହଇଯାଏ।
କେମିତି ବଢ଼ଇବେ ରୋଗ ପ୍ରତିରୋଧକ ଶକ୍ତି:
- ତୁଳସୀ, ଡାଲଚିନି, ଗୋଲମରିଚ, ସୁଣ୍ଠି, ପକାଇ ହର୍ବାଲ ଚାହା ପ୍ରସ୍ତୁତ କରନ୍ତୁ। ଏଥିରେ ସ୍ୱାଦ ଅନୁସାରେ ଲେମ୍ବୁ ଓ ଚିନି କିମ୍ବା ମହୁ ପକାଇ ଏହାକୁ ପ୍ରତ୍ୟେକ ଦିନ ଦିନରେ ଥରେ କିମ୍ବା ଦୁଇଥର ସେବନ କରନ୍ତୁ।
- 150 ମିଲି ଗରମ କ୍ଷୀରରେ ଅଧା ଚାମଚ ହଳଦୀ ଗୁଣ୍ଡ ମିଶାଇ ଦିନରେ ଥରେ କିମ୍ବା ଦୁଇଥର ପିଅନ୍ତୁ।
- ରୋଷେଇରେ ନିୟମିତଭାବେ ହଳଦୀ, ଅଦା ଏବଂ ରସୁଣ ବ୍ୟବହାର କରନ୍ତୁ।
- ଦିନସାରା ମଝିରେ ମଝିରେ ଉଷୁମ ପାଣି ପିଅନ୍ତୁ। ଏହା ସହିତ ଦୈନିକ 8 ଗ୍ଲାସ ପାଣଇ ପିଅନ୍ତୁ। ଶରୀରରପେ ଜଳର ଅଭାବ କରନ୍ତୁ ନାହିଁ।
