ଫ୍ରାନ୍ସରେ ଛୁରା ମାଡ଼ ଆତଙ୍କ, ପ୍ରଶାସନ କହିଲା ଏହା ଆତଙ୍କବାଦୀ ଆକ୍ରମଣ
ଫ୍ରାନ୍ସ: ଫ୍ରାନ୍ସର ଦକ୍ଷିଣୀ ସହର ନିସ୍ରେ ଜଣେ ଦୁର୍ବୃତ୍ତ ଛୁରୀ ସାହାଯ୍ୟରେ ଚର୍ଚ୍ଚ ନିକଟରେ ଥିବା ଲୋକଙ୍କୁ ମରଣାନ୍ତକ ଆକ୍ରମଣ କରିଛି । ଏଥିରେ ଜଣେ ମହିଳାଙ୍କ ଜୀବନ ଚାଲିଯାଇଥିବା ବେଳେ ଅନ୍ୟ ୨ ଜଣଙ୍କ ମୃତ୍ୟୁ ହୋଇଛି । ଦୁର୍ବୃତ୍ତ ଜଣଙ୍କ ମହିଳାଙ୍କ ବେକ କାଟି ଦେଇଥିବା ଜଣାପଡ଼ିଛି । ଖାଲି ସେତିକି ନୁହେଁ ଏହି ଦୁର୍ବୃତ୍ତଙ୍କ ଛୁରାମାଡ଼ରେ ଅନେକ ଗୁରୁତର ମଧ୍ୟ ହୋଇଛନ୍ତି ।
ତେବେ ଏହି ଘଟଣାକୁ ନେଇ ସ୍ଥାନୀୟ ମେୟର, ଏହାକୁ ଏକ ଆତଙ୍କବାଦୀ ଆକ୍ରମଣ ବୋଲି ଘୋଷଣା କରିଛନ୍ତି । ଅନ୍ୟପଟେ ଉକ୍ତ ଦୁର୍ବୃତ୍ତକୁ ପୋଲିସ ଗିରଫ କରି ସାରିଥିବା ମେୟର ସୂଚନା ଦେଇଛନ୍ତି ।
ନୀସ୍ର ମେୟର ଖ୍ରୀଷ୍ଟିଆନ ଇଷ୍ଟୋରି ଆହୁରି କହିଛନ୍ତି ଯେ, ଏହି ଛୁରାମାଡ଼ ଘଟଣା ସହରର ନିଟ୍ରୋ ଡେମ୍ ବେସିଲିକା ଚର୍ଚ୍ଚ ନିକଟରେ ଘଟିଛି । ଅଭିଯୁକ୍ତ ଗିରଫ ହୋଇସାରିଛି ।
ସେହିଭଳି ଫ୍ରାନ୍ସର ଆଉ ଜଣେ ନେତା ମଧ୍ୟ ଏହା ନିଶ୍ଚିତ କରିଛନ୍ତି ଯେ, ଚର୍ଚ୍ଚରେ ଜଣେ ଦୁର୍ବୃତ୍ତ ଛୁରାମାଡ଼ କରିଥିଲେ । ଏଥିରେ ଅନେକ ଗୁରୁତର ହୋଇଛନ୍ତି । ଦୁର୍ବୃତ୍ତ ଜଣକ ମହିଳାଙ୍କ ମୁଣ୍ଡ ଶରୀରରୁ ଅଲଗା କରିଦେଇଛି । ତେବେ ଏଭଳି ଜଘନ୍ୟ କାଣ୍ଡ ଭିଆଇବା ପଛର କାରଣ ଏବେ ସୁଦ୍ଧା ଅସ୍ପଷ୍ଟ ରହିଛି । ଫ୍ରାନ୍ସର ଆତଙ୍କବାଦ ବିରୋଧୀ ବିଭାଗ ଏହି ଆକ୍ରମଣ ନେଇ ତଦନ୍ତ ଆରମ୍ଭ କରିଛି ।
ସୂଚନାଯୋଗ୍ୟ ଯେ, ଫ୍ରାନ୍ସରେ ବିଗତ ଦିନରେ ଜଣେ ଶିକ୍ଷକ ପେଙ୍ଗ୍ବରକୁ ନେଇ ହୋଇଥିବା ବ୍ୟଙ୍ଗ ଚିତ୍ରକୁ ଦେଖାଇଥିଲେ । ଫଳରେ ଉକ୍ତ ଶିକ୍ଷକଙ୍କୁ ଜଣେ ଉଗ୍ରବାଦୀ ହତ୍ୟା କରିଥିଲା । ଶିକ୍ଷକ ଜଣକ ସେହି ଉଗ୍ରବାଦୀର ଝିଅକୁ ହିଁ ବ୍ୟଙ୍ଗ ଚିତ୍ର ଦେଖାଇଥିଲେ । ଏଥିପାଇଁ ସେ ଶିକ୍ଷକଙ୍କ ଗଳାକାଟି ହତ୍ୟା କରିଥିଲା । ଏହି ଘଟଣାକୁ ନେଇ ଏବେ ବି ମାମଲା ଶାନ୍ତ ପଡ଼ିନାହିଁ ।
ତେବେ ଏହି ପୁରା ଘଟଣାକୁ ନେଇ ଫ୍ରାନ୍ସର ରାଷ୍ଟ୍ରପତି ମେକ୍ରୋଂ, ଇସ୍ଲାମିକ୍ ଆତଙ୍କବାଦୀଙ୍କୁ ନେଇ କଡ଼ା ପ୍ରତିକ୍ରିୟା ରଖିଛନ୍ତି । ଯାହାକୁ ନେଇ କିଛି ଇସଲାମିକ ଦେଶ ଏହା ବିରୋଧରେ କଠୋର ଆଭିମୁଖ୍ୟ ରଖିଛନ୍ତି ଏବଂ ପୁରା ମାମଲାକୁ ନେଇ ରାଷ୍ଟ୍ରପତି ମେକ୍ରୋଂଙ୍କୁ ସମାଲୋଚନା କରିଛନ୍ତି ।
