ଆଜିଠୁ ଭାରତ-ବାଂଲାଦେଶ ଟେଷ୍ଟ ସିରିଜ, ଟିମ୍ ଇଣ୍ଡିଆର ନେତୃତ୍ୱ ନେବେ ରାହୁଲ୍

ଢାକା: ଆଜିଠୁ ଭାରତ-ବାଂଲାଦେଶ ଟେଷ୍ଟ ସିରିଜ । ଦୁଇ ଟିକିଆ ସିରିଜରେ ଆଜିଠୁ ୧୮ ତାରଖ ପର୍ଯ୍ୟନ୍ତ ଖେଳାଯିବ ପ୍ରଥମ ମ୍ୟାଚ୍ । ଭାରତୀୟ ସମୟ ସକାଳ ୯ଟାରୁ ଆରମ୍ଭ ହେବ ଏହି ମ୍ୟାଚ । ରୋହିତ ଶର୍ମାଙ୍କ ଅନୁପସ୍ଥିତିରେ ଟିମ୍ ଇଣ୍ଡିଆର ନେତୃତ୍ୱ ନେବେ କେ.ଏଲ ରାହୁଲ । ଆହତ କାରଣରୁ ରୋହିତ ସିରିଜରୁ ବାଦ ପଡ଼ିଛନ୍ତି । ଆଜିର ମ୍ୟାଚରେ ରାହୁଲଙ୍କ ସହ ଶୁଭମନ ଗିଲ ପାଳି ଆରମ୍ଭ କରିବାର ସମ୍ଭାବନା ରହିଛି । ବିରାଟ କୋହଲି, ଚେତେଶ୍ବର ପୂଜାରା, ଶ୍ରେୟସ ଆୟାର, ଋଷବ ପନ୍ତ, ରବିଚନ୍ଦ୍ରନ ଅଶ୍ବନୀ ମିଡିଲ ଅର୍ଡର ସମ୍ଭାଳିବେ ।

ସେପଟେ ଉମେଶ ଯାଦବ, ମହମ୍ମଦ ସିରାଜ, ଅକ୍ଷର ପଟେଲ ବୋଲିଂରେ କମାଲ ଦେଖାଇବେ । ଶେଷ ଦିନିଆରେ ବୃହତ୍ତ ବିଜୟ ସହିତ ଭାରତର ମନୋବଳ ଦୃଢ ରହିଛି । ଏଣୁ ଦିନିକିଆ ସିରିଜ ପରାଜୟର ବଦଲା ଟେଷ୍ଟରେ ନେବାକୁ ଉଦ୍ୟମ କରିବ ମେନ ଇନ ବ୍ଲୁ । ସେପଟେ ଭାରତକୁ କଡ଼ା ଜବାବ ଦେବାକୁ ତୟାର ରହିଛି ଘରୋଇ ଟିମ୍ ।