ASI ଡିଜି ଭାବେ ପ୍ରଥମ ଥର ଓଡ଼ିଶା ଆସିଲେ କିଶୋର ବାସା

ଭୁବନେଶ୍ୱର: ପ୍ରଭୁ ଶ୍ରୀଜଗନ୍ନାଥଙ୍କ ଦୟାରୁ ମିଳିଛି ଗୁରୁଦାୟିତ୍ୱ। ଏଏସଆଇ ଡିଜି ଭାବେ ଦାୟିତ୍ୱ ଗ୍ରହଣ ପରେ ପ୍ରଥମ ଥର ପାଇଁ ଓଡ଼ିଶା ଗସ୍ତରେ ଆସି ଏହା କହିଛନ୍ତି କିଶୋର କୁମାର ବାସା । ଛ’ ମାସ କାର୍ଯ୍ୟକାଳ ଭିତରେ ସେ ଓଡ଼ିଶାର ସମସ୍ତ କାର୍ଯ୍ୟକ୍ରମ କେମିତି ତ୍ୱରାନ୍ୱିତ ହେବ ସେ ଦିଗରେ ଧ୍ୟାନ ଦେବେ । କପିଳେଶ୍ଵର ମନ୍ଦିର ଏବେ ତାଲିକାଭୁକ୍ତ ହୋଇଛି । ଅଧିକାରୀଙ୍କ ସହ ଆଲୋଚନା କରି ଭଲ ସଂରକ୍ଷଣ ପ୍ଲାନ ସଂପର୍କରେ ବିଶେଷଜ୍ଞଙ୍କ ମତାମତ ନେବେ । ଏହାପରେ ଏନେଇ ପ୍ରୋଜେକ୍ଟ କରାଯାଇ ଆଗେଇବେ ବୋଲି ଏଏସଆଇ ଡିଜି କହିଛନ୍ତି । ଛ’ ମାସ କାର୍ଯ୍ୟକାଳରେ ସେ ଓଡ଼ିଶା ପାଇଁ ତାଙ୍କର ବେଷ୍ଟ ଦେବେ ବୋଲି କହିଛନ୍ତି । ଶ୍ରୀଜଗନ୍ନାଥ ମନ୍ଦିର ଲାଗି ସମସ୍ତ ଅନୁମତି ଦିଆଯାଇଛି । ପ୍ରଭୁ ଲିଙ୍ଗରାଜ ମନ୍ଦିର ପାଇଁ କିଛି ଅନୁମତି ଦିଆଯାଇଥିବା ବେଳେ ଆଉ କିଛି ବିଷୟରେ ତଦାରଖ କରି ଅନୁମତି ଦିଆଯିବ ବୋଲି ଏଏସଆଇ ଡିଜି କିଶୋର ବାସା କହିଛନ୍ତି ।