ଜୟନାରାୟଣ ମିଶ୍ରଙ୍କୁ ଘେରିଲେ କିନ୍ନର, ଇସ୍ତଫା ଓ କ୍ଷମା ପ୍ରାର୍ଥନା ଦାବି

ଭୁବନେଶ୍ୱର: ଜୟନାରାୟଣ ମିଶ୍ରଙ୍କ ଦବଙ୍ଗଗିରି ବିରୋଧରେ ତେଜିଲା ଅସନ୍ତୋଷ । ଜୋର ଧରିଲା ଗିରଫ ଦାବି । ଜୟନାରାୟଣଙ୍କ ଭୁବନେଶ୍ବରସ୍ଥିତ ସରକାରୀ ବାସଭବନ ସମ୍ମୁଖରେ କିନ୍ନର କରିଛନ୍ତି ଜୋରଦାର ବିକ୍ଷୋଭ । ଜୟନାରାୟଣଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବି କରିଛନ୍ତି କିନ୍ନର । ଆଜି ଶତାଧିକ କିନ୍ନର ଭୁବନେଶ୍ବରସ୍ଥିତ ଜୟନାରାୟଣଙ୍କ ସରକାରୀ ବାସଭବନର ସମ୍ମୁଖରେ ପହଞ୍ଚି ଜୟନାରାୟଣଙ୍କ ବିରୋଧରେ ନାରାବାଜି କରିଥିଲେ । ଏହା ସହ ପ୍ଲାକାର୍ଡ ପ୍ରଦର୍ଶନ କରି କାର୍ଯ୍ୟାନୁଷ୍ଠାନ ଦାବି କରିଥିଲେ ।

ଏହି ବିକ୍ଷୋଭରେ କିନ୍ନର ପରୀ ଘୋଷଣା କରିଛନ୍ତି- ଯିଏ ଜୟନାରାୟଣ ମିଶ୍ରଙ୍କ ବେକରେ ଜୋତାମାଳ ପିନ୍ଧାଇବ ତାଙ୍କୁ ସେ ୫୧ ହଜାର ଟଙ୍କା ଦେବେ । ଜଣେ କର୍ତ୍ତବ୍ୟରତ ପୋଲିସ ଅଧିକାରୀଙ୍କୁ ଆକ୍ରମଣ କରିବା ଗଣତାନ୍ତ୍ରିକ ରାଷ୍ଟ୍ର ଲାଗି ଏକ ଲଜ୍ଜା ବୋଲି କହିଛନ୍ତି କିନ୍ନର ନେତା । ମହିଳା ଆଇଆଇସିଙ୍କୁ ଅସଦାଚରଣ ଓ ଆକ୍ରମଣ ପ୍ରତିବାଦରେ ଉଠୁଛି ପଡ଼ୁଛି ଓଡ଼ିଶା । କର୍ତ୍ତବ୍ୟରତ ମହିଳା ଆଇଆଇସିଙ୍କୁ ଧମକାଇବା ସହ ଚାପୁଡ଼ା ମାରିଥିଲେ ଜୟନାରାୟଣ ।