କୁଆଡେ ଗଲେ ଉତ୍ତର କୋରିଆ ଶାସକ, କାହିଁକି ସର୍ବସମ୍ମୁଖକୁ ଆସୁ ନାହାଁନ୍ତି କିମ ଜଙ୍ଗ ଉନ୍…
ୱାସିଂଟନ୍: କୁଆଡେ ଗଲେ ଉତ୍ତର କୋରିଆ ଶାସକ । କାହିଁକି ସର୍ବସମ୍ମୁଖକୁ ଆସୁ ନାହାଁନ୍ତି କିମ ଜଙ୍ଗ ଉନ୍ । ଏଭଳି ଅନେକ ପ୍ରଶ୍ନ ଗତ କିଛି ଦିନ ଧରି ଅନ୍ତର୍ଜାତୀୟ ଗଣମାଧ୍ୟମରେ ଚର୍ଚ୍ଚା ହେଉଥିବାବେଳେ ସେ ପ୍ରଶ୍ନର ଉତ୍ତର ଦେଇଛନ୍ତି କିମ ଜଙ୍ଗ ଉନ୍ଙ୍କ ବୈଦେଶିକ ପରାମର୍ଶଦାତା ମୁନ ଚଙ୍ଗ ଇନ୍ । ଆମେରିକାର ଜାତୀୟ ଗଣମାଧ୍ୟମ ସିଏନଏନକୁ ସୂଚନା ଦେଇ ମୁନ ଚଙ୍ଗ ଇନ କହିଛନ୍ତି, ସୁସ୍ଥ ଅଛନ୍ତି ଉତ୍ତର କୋରିଆ ଶାସକ ।
ସାରା ଦୁନିଆରେ କରୋନା ଟେନସନ୍ ପରେ ଯେଉଁ ଚର୍ଚ୍ଚା ହେଉଛି, ତାହା ହେଉଛି ଉତ୍ତର କୋରିଆ ଶାସକ କିମ ଜଙ୍ଗ ଉନକୁ ନେଇ । ଅନେକ ଅନ୍ତର୍ଜାତୀୟ ଗଣମାଧ୍ୟମରେ ଉତ୍ତର କୋରିଆର ଶାସକଙ୍କୁ ନେଇ ହୋଇଛି ଅନେକ ଚର୍ଚ୍ଚା । କୁଆଡେ ଗଲେ କିମ ଜଙ୍ଗ ଉନ୍ । କାହିଁକି ସର୍ବସମ୍ମୁଖକୁ ଆସୁ ନାହାଁନ୍ତି ଉତ୍ତର କୋରିଆ ଶାସକ । ସ୍ୱାସ୍ଥ୍ୟବସ୍ଥା ଭଲ ନାହିଁ, ନାଁ ଦେଶ ବାହାରେ ଅଛନ୍ତି କିମ ଜଙ୍ଗ ଉନ୍ । ଏଭଳି ଅନେକ ପ୍ରଶ୍ନ ଉଠିଥିବାବେଳେ ଏ ସବୁ ପ୍ରଶ୍ନ ଉପରୁ ସସପେନସ ଉଠାଇଛନ୍ତି କିମ ଜଙ୍ଗ ଉନ୍ଙ୍କ ବୈଦେଶିକ ପରାମର୍ଶଦାତା ମୁନ୍ ଚଙ୍ଗ ଇନ୍ । ତାଙ୍କ ଅନୁସାରେ ଉତ୍ତର କୋରିଆର ବିଗ୍ ବସ୍ ସୁସ୍ଥ ଓ ସୁରକ୍ଷିତ ଅଛନ୍ତି । ଠିକ୍ ସମୟ ଆସିଲେ ସେ ବାହାରକୁ ଆସି ଦର୍ଶନ ଦେବେ ।
ଆମେରିକାର ଜାତୀୟ ଗଣମାଧ୍ୟମ ସିଏନଏନକୁ ସୂଚନା ଦେଇ ମୁନ ଚଙ୍ଗ ଇନ କହିଛନ୍ତି, ସୁସ୍ଥ ଅଛନ୍ତି ଉତ୍ତର କୋରିଆ ଶାସକ । ତାଙ୍କ ଦେହ ଏବେ ଭଳ ଅଛି । ସେ ନିଜ ଦେଶରେ ଅଛନ୍ତି । ରାଷ୍ଟ୍ରପତି ଭବନ ଆସୁ ନାହାଁନ୍ତି, ହେଲେ ସମସ୍ତ ସ୍ଥିତି ଉପରେ ନଜର ରଖିଛନ୍ତି । କିମ ଜଙ୍ଗ ଉନକୁ ନେଇ ଯେଉଁ ଗୁଜବ ଉଠୁଛି ତାହା ସବୁ ମିଛ । ଖୋଦ କିମ ଜଙ୍ଗ ଉନ୍ଙ୍କ ବୈଦେଶିକ ପରାମର୍ଶଦାତା ମୁନ ଚଙ୍ଗ ଇନଙ୍କ ଏଭଳି ବୟାନ ଆସିବା ପରେ ଗତ କିଛି ଦିନ ଧରି ଲାଗି ରହିଥିବା ଚର୍ଚ୍ଚା ଉପରେ ବିରାମ ଲାଗିଛି ।
ହେଲେ କଣ ପାଇଁ ହେଉଥିଲା ଏଭଳି ଚର୍ଚ୍ଚା । ଗତ କିଛି ଦିନ ଧରି ସର୍ବସମ୍ମୁଖକୁ ଆସୁନଥିଲେ କିମ ଜଙ୍ଗ ଉନ୍ । କୈାଣସି ସରକାରୀ କାର୍ଯ୍ୟକ୍ରମରେ ସାମିଲ ହେଉନଥିଲେ । ଏଭଳିକି ନିଜ ଜେଜେଙ୍କର ଶ୍ରାଦ୍ଧ ଦିବସରେ ସାମିଲ ହୋଇନଥିଲେ କିମ ଜଙ୍ଗ । ତେଣୁ କିମ ଜଙ୍ଗ ଉନ୍ ଜିବୀତ ଅଛନ୍ତି ନାଁ ନାହିଁ ତାକୁ ନେଇ ଉଠିଥିଲା ଅନେକ ପ୍ରଶ୍ନ । ଯେଉଁ ପ୍ରଶ୍ନର ଉତ୍ତର ଏବେ ଖୋଦ ଉତ୍ତର କୋରିଆ ସରକାର ଦେଇଛନ୍ତି । ନିଜର ପରମାଣୁ ଅସ୍ତ୍ର ବଳରେ ଆମେରିକା ଭଳି ଶକ୍ତିଶାଳୀ ରାଷ୍ଟର ହୋସ ଉଡାଉଥିବା କିମ ଜଙ୍ଗ ଉନ୍ କେବେ ସର୍ବସମ୍ମୁଖକୁ ଆସିବେ ତାକୁ ଅପେକ୍ଷା କରିଛି ସାରା ବିଶ୍ୱ ।
