ରାମ ଲଲ୍ଲାଙ୍କ ପ୍ରାଣ ପ୍ରତିଷ୍ଠା ଦିନ ଜନ୍ମ ହେଲେ ଅନେକ ଶିଶୁ, ଜାଣନ୍ତୁ କ’ଣ କହୁଛନ୍ତି ପରିବାର
loving mother and kissing little baby play at sunset beach
ଗାଜିଆବାଦ: ଅଯୋଧ୍ୟାରେ ସୋମବାର ଦିନ ପ୍ରଭୁ ରାମଲଲାଙ୍କ ଭବ୍ୟ ମନ୍ଦିରରେ ପ୍ରାଣ ପ୍ରତିଷ୍ଠା ହୋଇଯାଇଛି । ଏହି ଐତିହାସିକ ଦିନକୁ ନେଇ ସାରା ଦେଶରେ ଖୁସି ଏବଂ ଉତ୍ସାହର ମାହୋଲ ଦେଖାଦେଇଛି । କେତେକ ସ୍ଥାନରେ ଶୋଭା ଯାତ୍ରା ବାହାରିଥିବା ବେଳେ ଆଉ କିଛି ସ୍ଥାନରେ କଳଶ ଯାତ୍ରା କରାଯାଇଛି ।
ଏହି ଅବସରରେ ଗାଜିଆବାଦ ଜିଲ୍ଲା ମହିଳା ହସ୍ପିଟାଲରେ ଅନେକ ଶିଶୁ ଜନ୍ମ ଗ୍ରହଣ କରିଛନ୍ତି । ସମ୍ପୃକ୍ତ ମହିଳାମାନେ ନିଜ ଜନ୍ମିତ ସନ୍ତାନକୁ ଭାଗ୍ୟବାନ ପୋଲି ବିବେଚନା କରିଛନ୍ତି ।
ପ୍ରାଣ ପ୍ରତିଷ୍ଠା ଦିନ ସନ୍ତାନ ପ୍ରସବ କରିଥିବା ମା’ ମାନେ କହିଛନ୍ତି, ଆମେ ଖୁବ୍ ସୌଭାଗ୍ୟଶାଳୀ । କାରଣ ଭଗବାନ ରାମ ମାନବ ବେଶରେ ଆମ କୋଳରେ ଜନ୍ମ ଗ୍ରହଣ କରିଛନ୍ତି । ସେହିପରି ଅନ୍ୟ ଜଣେ ମହିଳା କହିଛନ୍ତି ଯେ ମୋ ପୁଅ ଆଜି ଜନ୍ମ ହୋଇଛି। ମୁଁ ତାଙ୍କ ନାମ ଲବକୁଶ ରଖିବି। ଅନ୍ୟ ଜଣେ ମହିଳା କହିଛନ୍ତି ଯେ ମୁଁ ମୋ ପୁଅର ନାମ ରାମ ରଖିବି। ଅପରପକ୍ଷେ ଯେଉଁ ମାନଙ୍କର କନ୍ୟା ସନ୍ତାନ ଜନ୍ମ ହୋଇଛି, ସେମାନେ ନିଜ ଝିଅର ନାମ ସୀତା ରଖିବେ ବୋଲି ଚର୍ଚ୍ଚା ହେଉଛି ।
