ବିନା ଔଷଧରେ କରନ୍ତୁ କିଡନୀ ସଫା, ଷ୍ଟୋନ ଏବଂ ଇମ୍ୟୁନିଟି ପାଇଁ ମଧ୍ୟ ଲାଭଦାୟକ ଏହି ୩ଟି ଦ୍ରବ୍ୟ
କିଡନୀ ଆମ ଶରୀରକୁ ଡିଟକ୍ସିଫାଇ କରିବାର କାମ କରିଥାଏ । ଏହା ବର୍ଜ୍ୟବସ୍ତୁ, ବିଷାକ୍ତ ଏବଂ ଅତିରିକ୍ତ ତରଳ ପଦାର୍ଥକୁ ୟୁରିନ ମାଧ୍ୟମରେ ଶରୀରରୁ ବାହାର କରିଥାଏ । ଶରୀରରେ ରକ୍ତ ପରିଷ୍କାର କରୁଥିବା କିଡନୀକୁ ଯଦି ପରିଷ୍କାର ରଖାନଯାଏ ତେବେ ୟୁରିନାରୀ ଡିଜଅର୍ଡର, ପେଟ କାଟିବା, ଜର ଏବଂ ବାନ୍ତି ଭଳି ଗମ୍ଭୀର ସମସ୍ୟା ଦେଖାଦେଇଥାଏ ।
କେବଳ ସେତିକି ନୁହେଁ କିଡନୀରେ ଜମିରହିଥିବା ବିଷାକ୍ତ ପଦାର୍ଥ ରକ୍ତ ପରିଷ୍କାର କରିବାରେ ବାଧା ସୃଷ୍ଟି କରିବା ସହ ମନୁଷ୍ୟର ମୃତ୍ୟୁର କାରଣ ମଧ୍ୟ ହୋଇଥାଏ । ଯଦି ଆପଣ ନିଜ ଖାଦ୍ୟପେୟ ସହିତ ଡାଏଟ ପ୍ଲାନରେ ଏହି ୩ଟି ଜିନିଷ ସାମିଲ କରିବେ ତେବେ ଅତି ସହଜରେ କିଡନୀ ପରିଷ୍କାର ହୋଇପାରିବ । ଏହି ଦ୍ରବ୍ୟ ଗୁଡ଼ିକୁ ଆପଣ ରନ୍ଧା ଖାଦ୍ୟ ସହ ପାନୀୟ ଭାବରେ ମଧ୍ୟ ବ୍ୟବହାର କରିପାରିବେ ।
ସାଧାରଣତଃ ରୋଷେଇ ଘରେ ଧରିଆ ପତ୍ରର ବ୍ୟବହାର ଖାଇବାର ସ୍ୱାଦ ବଢ଼ାଇବାରେ ବ୍ୟବହାର କରାଯାଇଥାଏ । କିନ୍ତୁ ଆପଣ ଜାଣିଛନ୍ତି କି ଧନିଆରେ ଥିବା ଡିଟକ୍ସିଫିକେସନ ଗୁଣ ଶରୀରେ ଥିବା ବିଷାକ୍ତ ବର୍ଜ୍ୟବସ୍ତୁକୁ ବାହାର କରିବାରେ ସାହାଯ୍ୟ କରିଥାଏ । ଆପଣ ଡିନର ଡାଏଟରେ ହେଉ କିମ୍ବା ଜୁସ କରି ଏହାକୁ ପିଇପାରିବେ ।
ଡାଲି ଆଦି ରୋଷେଇରେ ଝୁଙ୍କ ଦେବାପାଇଁ ବ୍ୟବହାର କରାଯାଉଥିବା ଜିରା ମଧ୍ୟ କିଡୀନକୁ ସଫା ରଖିବାରେ ଖୁବ ସାହାଯ୍ୟ କରିଥାଏ । ଲେମ୍ବୁ, ଜିରା ଏବଂ ଧନିଆର ମିଶ୍ରଣରେ ଏକ ଡିଟକ୍ସିଫାଇ ଡ୍ରିଙ୍କ ପ୍ରସ୍ତୁତ କରି ଏହାକୁ ସେବନ କରନ୍ତୁ । ଏହା ଦୃତ ଗତିରେ କିଡନୀରୁ ସଫା କରିବାରେ ସାହାଯ୍ୟ କରିଥାଏ ।
ଏକ ଲିଟର ପାଣିକୁ ଅଳ୍ପ ଉଷୁମ କରି ଏଥିରେ ଧନିଆ ପତ୍ର ପକାଇ ଫୁଟାନ୍ତୁ । ଫୁଟୁଥିବା ପାଣିରେ ଲେମ୍ବୁକୁ ଛୋଟ ଛୋଟ କାଟି ପକାଇବା ସହ କିଛି ଜିରା ମଧ୍ୟ ପକାନ୍ତୁ । ତିନୋଟି ଦ୍ରବ୍ୟକୁ ଭଲ ଭାବରେ ପାଞ୍ଚ ମିନିଟ ଯାଏ ଫୁଟାନ୍ତୁ ଏବଂ ଏହାକୁ ଛାଣି ପିଅନ୍ତୁ । ଏହି ଡ୍ରିଙ୍କକୁ ପ୍ରତିଦିନ ପିଇବା ଦ୍ୱାରା କିଡନୀ ସଫା ରୁହେ ଏବଂ ପେଟ ଜନିତ ଅନ୍ୟ ରୋଗ ମଧ୍ୟ ଦୂର ହୋଇଥାଏ ।
ଆପଣ ପ୍ରାୟତଃ ଲୋକଙ୍କୁ ମକାର ଦାନା ଖାଉଥିବା ଦେଖିଥିବେ, କିନ୍ତୁ ଆପଣ ଜାଣିଛନ୍ତି କି ଦାନା ଉପରେ ଥିବା ଗୋଲ୍ଡେନ ରଙ୍ଗର କେଶ ଆପଣଙ୍କ କିଡନୀ ଡିଟକ୍ସିଫାଇ କରିଥାଏ । ଏହା କିଡନୀ ଏବଂ ବ୍ଲାଡରକୁ ଡିଟକ୍ସିଫାଇ କରିବା ସହ ବ୍ଲଡ ସୁଗାରକୁ ରେଗ୍ୟୁଲେଟ କରିବା ଏବଂ ଇମ୍ୟୁନିଟିକୁ ବୁଷ୍ଟ କରିବାରେ ସାହାଯ୍ୟ କରିଥାଏ ।
ମକାରେ ଥିବା କେଶର ଡ୍ରିଙ୍କ ପ୍ରସ୍ତୁତ କରିବା ପାଇଁ ଦୁଇ ଗ୍ଲାସ ପାଣିକୁ ଭଲ ଭାବରେ ଫୁଟାନ୍ତୁ । ଏହାପରେ ପାଣିରେ ଏକ ଗୀନା ମକା କେଶ ପକାଇ ଧିମା ଆଞ୍ଚରେ ଫୁଟାନ୍ତୁ । ଏଥିରେ ଗୋଟିଏ ଲେମ୍ବୁ ଚିପୁଡ଼ି ସେପର୍ଯ୍ୟନ୍ତ ଫୁଟାନ୍ତୁ ଯେପର୍ଯ୍ୟନ୍ତ ଏହା ଏକ ଗ୍ଲାସ ହୋଇନଯାଏ । ଏହି ଡ୍ରିଙ୍କକୁ ପ୍ରତିଦିନ ସକାଳ ସନ୍ଧ୍ୟାରେ ପିଇଲେ ଅତି ଶୀଘ୍ର ଏହାର ପ୍ରଭାବ ଆପଣଙ୍କ ଶରୀରେ ଦେଖିବାକୁ ମିଳିବ । ଯେଉଁ ଲୋକମାନଙ୍କୁ ଷ୍ଟୋନର ସମସ୍ୟା ରହିଛି ସେମାନେ ବି ଏହି ଡ୍ରିଙ୍କକୁ ପିଇଲେ ଲାଭବାନ ହେବେ ।
