ପାନାରାଗୁଡ଼ା ଓ ଏମଭି-୨ ଗାଁରେ ବଢ଼ୁଛି କିଡନୀ ରୋଗୀଙ୍କ ସଂଖ୍ୟା: ବର୍ଷକରେ ଗଲାଣି ୬ ଜୀବନ

ମାଲକାନଗିରି: ଗୋରାକୁଣ୍ଟା ପଞ୍ଚାୟତରେ କିଡନୀ ରୋଗ ଆତଙ୍କ । ପାନାରାଗୁଡା ଓ ଏମଭି-୨ ଗାଁରେ ଡରାଇଲାଣି କିଡନୀ ରୋଗ । ମାରାତ୍ମକ ରୋଗରେ ବର୍ଷକରେ ମଲେଣି ୬ଜଣ ରୋଗୀ । ଦୁଇଟି ଗାଁରେ ୧୮ ଜଣରୁ ଅଧିକ କିଡନୀ ରୋଗରେ ଆକ୍ରାନ୍ତ ହୋଇ ଜୀବନ ସହ ସଂଘର୍ଷ କରୁଛନ୍ତି । ଖବର ପାଇବା ପରେ ସ୍ୱାସ୍ଥ୍ୟ ବିଭାଗ ଗାଁରେ ପହଞ୍ଚି ଚିକିତ୍ସା ଆରମ୍ଭ କରିଛି ।

ମାଲକାନଗିରିରେ ମାତିଲାଣି କିଡନୀ ରୋଗ । ମାରାତ୍ମକ ରୋଗ ନେଉଛି ଜୀବନ । ଅଭିଯୋଗ ପରେ ସ୍ୱାସ୍ଥ୍ୟ ବିଭାଗ ଚିକିତ୍ସା ଆରମ୍ଭ । ମାଲକାନଗିରି ଜିଲ୍ଲା ଗୋରାକୁଣ୍ଟା ପଞ୍ଚାୟତରେ ପାନାରାଗୁଡା ଓ ଏମଭି-୨ ଗାଁରେ କୋକୁଆ ଭୟ ସୃଷ୍ଟି କରିଛି କିଡନୀ ରୋଗ । ମାରାତ୍ମକ ରୋଗ ଜଣକ ପରେ ଜଣଙ୍କୁ ନିଜ କବଳକୁ ନେଉଛି । ଗୋଟିଏ ବର୍ଷ ଭିତରେ ୬ ମୂଲ୍ୟବାନ ଜୀବନ ଯାଇଥିବା ବେଳେ ୧୮ ଏହି ରୋଗରେ ଆକ୍ରାନ୍ତ ହୋଇ ଜୀବନ ସହ ସଂଘର୍ଷ କରୁଛନ୍ତି ।

ଗାଁ ନଳକୂପରୁ ଫ୍ଲୋପାଇଡ୍ ମିଶା ପାଣି ବାହାରୁଥିବାରୁ ରୋଗ ବ୍ୟାପୁଥିବା ଅଭିଯୋଗ ହୋଇଛି । ଏ ନେଇ ଖବର ପାଇବା ପରେ ସ୍ୱାସ୍ଥ୍ୟ ବିଭାଗର ଏକ ଡାକ୍ତରୀ ଟିମ୍ ଗାଁରେ ପହଞ୍ଚି ଅନୁଧ୍ୟାନ କରିଛନ୍ତି । ସଂକଟାପର୍ଣ୍ଣ ରୋଗୀଙ୍କୁ ହସ୍ପିଟାଲରେ ଭର୍ତ୍ତି ପାଇଁ ବ୍ୟବସ୍ଥା କରାଯାଉଛି । ଏଥିସହ ନଳକୂପ ପାଣି ପରୀକ୍ଷା ପାଇଁ ନମୂନା ସଂଗ୍ରହ କରାଯାଇଥିବା ଏପିଡେମିଓଲୋଜିଷ୍ଟ ଡାକ୍ତର ଦୁର୍ଗାପ୍ରସାଦ ରାଜ୍ କହିଛନ୍ତି । ମାଲକାନଗିରିରେ କୀଡନି ରୋଗ ଆତଙ୍କ ସୃଷ୍ଟି କରିଛି । ସ୍ୱାସ୍ଥ୍ୟ ବିଭାଗ ଲୋକଙ୍କୁ ସଚେତନ କରିବା ସହ ଗୁଣିଗାରେଡିକୁ ବିଶ୍ୱାସ ନକରି ହସ୍ପିଟାଲରେ ଚିକିତ୍ସା ପାଇଁ ପରାମର୍ଶ ଦେଇଛନ୍ତି ।

Leave a Reply

Your email address will not be published.