‘ନା ମଙ୍ଗଳସୁତ୍ର ନା ସିନ୍ଦୂର, ଏଇଟା ରିସେପସନ୍ ଥିଲା ନା ଆଓ୍ବାଡ ଶୋ’

ମୁମ୍ବାଇ: ଗତକାଲି ସରିଛି ବଲିଉଡର କ୍ୟୁଟ ଯୋଡ଼ି କିୟାର ଆଡଭାନୀ ଏବଂ ସିଦ୍ଧାର୍ଥ ମାଲହୋତ୍ରାଙ୍କ ରିସେପସନ୍ । କିଛି ଦିନ ଧରି ଚର୍ଚ୍ଚା ସାଉଁଟିଛି ଏହି ‘ଶେରସାହ’ ସେଲିବ୍ରିଟିଙ୍କ ବିବାହ ବେଳର ଫଟୋ ଏବଂ ଭିଡିଓ।

ଏବେ କିୟାରଙ୍କ ରିସେପସନ ଲୁକ ଦେଖି ଫ୍ୟାନ୍ସ ମାନେ ଚିଡ଼ି ଯାଇଛନ୍ତି । ରିସେପସନରେ କିୟାର ଧଳା ଏବଂ କଳା ଗାଉନ ପିନ୍ଧିଥିବାର ଦେଖାଯାଉଛନ୍ତି । ବେକରେ ପିନ୍ଧିଥିବା ଡାଇମଣ୍ଡ ନେକଲେସ କିୟାରାଙ୍କ ଲୁକକୁ ଚାର୍ ଚାନ୍ଦ ଲଗାଇଦେଉଛି । କିନ୍ତୁ କିୟାରାଙ୍କ ଡ୍ରେସ ଫ୍ୟାନଙ୍କୁ ପସନ୍ଦ ଆସିନି ।

ଫ୍ୟାନମାନେ କିୟାରାଙ୍କ ବେକରେ ମଙ୍ଗଳସୁତ୍ର ଏବଂ ମଥାରେ ସିନ୍ଦୂର ନ ଦେଖି ଚିଡ଼ି ଯାଇଛନ୍ତି । ଫ୍ୟାନମାନେ ତାଙ୍କର ଏହି ଓ୍ବେଷ୍ଟର୍ଣ୍ଣ ଲୁକକୁ ନେଇ ସୋସିଆଲ ମିଡିଆରେ ବିଭିନ୍ନ ପ୍ରକାର କମେଣ୍ଟ କରିଛନ୍ତି । କିଛି ଫ୍ୟାନ କହିଛନ୍ତି ନା ଅଛି ମଙ୍ଗଳସୂତ୍ର ନା ଅଛି ସିନ୍ଦୂର, ଆମ ସଂସ୍କୃତି କେତେ କଲରଫୁଲ, କିନ୍ତୁ କିୟାର କେବଳ ଧଳା ଏବଂ କଳାକୁ କାହିଁ ବାଝିଛନ୍ତି । ଏଇଟା ରିସେପସନ କମ୍ ଆଓ୍ବାର୍ଡ ଶୋ’ ଭଳି ଅଧିକା ଲାଗୁଛି । ଆଉ ଜଣେ ସୋସିଆଲ ମିଡିଆ ୟୁଜର୍ ଲେଖିଛନ୍ତି କିୟାରାଙ୍କ ଡ୍ରେସ ପୂରା ବେକାର ହୋଇଛି ।