ପାଣି ପିଇବାକୁ ଆସି ଗଭୀର କୂଅରେ ଖସିପଡିଲା ଜଙ୍ଗଲି କୁଟୁରା

ଖୋର୍ଦ୍ଧା: ପାଣି ପିଇବାକୁ ଆସି ଗଭୀର କୂଅରେ ଖସିପଡିଲା ଜଙ୍ଗଲି କୁଟୁରା । କୂଅରେ ପଡି ଜୀବନ ମରଣ ସହ ସଂଗ୍ରାମ କରୁଥିବା କୁଟୁରାକୁ ଅଗ୍ନିଶମ ବାହୀନି ସହାୟତାରେ ଉଦ୍ଧାର କଲେ ଗାଁ ଲୋକେ । ଖୋର୍ଦ୍ଧା ବନଖଣ୍ଡ ଟାଙ୍ଗୀ ରେଞ୍ଜ ନୂଆଗଡ ପଂଚାୟତ ହରିପୁର ଗାଁର ଘଟଣା । ପ୍ରବଳ ଗ୍ରୀଷ୍ମପ୍ରବାହ ଯୋଗୁଁ ହରିପୁର ଜଙ୍ଗଲରେ ଜଳ ଅଭାବ ଯୋଗୁଁ ଭୋର୍ ସମୟରେ ଗୋଟିଏ ଜଙ୍ଗଲି କୂଟ୍ରା ପାଣି ପିଇବାକୁ ହରିପୁର ଗାଁ ଭିତରକୁ ପଶି ଆସିଥିଲା ।

କୂଟ୍ରାକୁ ଦେଖି ଗାଁ କୁକୁର ମାନେ ଗୋଡାଇବାରୁ କୂଟ୍ରାଟି ଏକ ଗଭୀର କୁଅ ମଧ୍ୟରେ ଖସି ପଡିଥିଲା । ସକାଳେ କୂଟ୍ରାକୁ ଉଦ୍ଧାର କରିବାକୁ ଚେଷ୍ଟା କରି ଗାଁ ଲୋକେ ବିଫଳ ହେବା ପରେ ଟାଙ୍ଗୀ ଅଗ୍ନିଶମ ବାହିନିକୁ ଖଵର ଦେଇଥିଲେ ।

ଖବର ପାଇ ଘଟଣାସ୍ଥଳରେ ଅଗ୍ନିଶମ ବାହିନୀ ପହଂଚି କୂଟ୍ରାକୁ ଉଦ୍ଧାର କରି ଟାଙ୍ଗୀ ବନ ବିଭାଗକୁ ହସ୍ତାନ୍ତର କରିଥିଲେ । କୂଅରୁ ଉଦ୍ଧାର ହୋଇଥିବା କୂଟ୍ରାର ସ୍ୱାସ୍ଥ୍ୟବସ୍ଥା ଭଲ ଅଛି । ଘଞ୍ଚ ଜଙ୍ଗଲରେ ଛାଡି ଦିଆଯିବ ବୋଲି ବନବିଭାଗ କହିଛି ।