ଖୋର୍ଦ୍ଧା ପୋଲିସ ସ୍କାନରରେ ବ୍ୟବସାୟୀ, ସମ୍ପତ୍ତି ସିଜ୍…

ଖୋର୍ଦ୍ଧା: ଖୋର୍ଦ୍ଧା ପୋଲିସ ସ୍କାନରରେ କଳା ବ୍ୟବସାୟୀ। ସମ୍ପତ୍ତି ସିଜ୍ କରି ନିଲାମ ପାଇଁ ପୋଲିସ ଆରମ୍ଭ କରିଛି ପଦକ୍ଷେପ । ବ୍ରାଉନ ସୁଗାର ବେପାରୀ ଶ୍ରୀବତ୍ସ ପରମଗୁରୁ ଠୁଳ କରିଥିବା ସମ୍ପତ୍ତି ସିଜ୍ କରିଛି ପୋଲିସ।

ଆଜି ପୋଲିସ ଶ୍ରୀବତ୍ସର ବ୍ୟାଙ୍କ ଲକରରୁ ସମସ୍ତ ସୁନା, ରୂପା, ବ୍ୟାଙ୍କ ବଣ୍ଡ , ଜମା ଟଙ୍କା ଜବତ କରିଛି । ଗତ ୧୦ବର୍ଷ ଧରି ଶ୍ରୀବତ୍ସ ଓ ସ୍ତ୍ରୀ ବ୍ରାଉନ ସୁଗର, ଚୋରା ବନ୍ଧୁକ, ଗୁଳି ବେପାର କରି କଳା ସମ୍ପତ୍ତି ଠୁଳ କରିଥିଲେ। ଖୋର୍ଦ୍ଧା ଶିଳ୍ପାଞ୍ଚଳ ଥାନାରେ ଏନେଇ ଅଭିଯୋଗ ପରେ ଶ୍ରୀବତ୍ସର ସମସ୍ତ ସମ୍ପତ୍ତି ଜବତ କରାଯାଇଛି । କିଛିଦିନ ତଳେ ଶ୍ରୀବତ୍ସ ବନ୍ଧୁକ ଚୋରା ଚାଲାଣରେ ଗିରଫ ହୋଇ ଜେଲରେ ଥିଲେ । ପୋଲିସ ରିମାଣ୍ଡରେ ଆଣି ତାର ଉପସ୍ଥିତିରେ ଏସବୁ ସମ୍ପତ୍ତି ଜବତ କରିଛି।