ଦୋକାନୀ ଆଖିରେ ଲଙ୍କାଗୁଣ୍ଡ ପକାଇ ସୁନା ହାର ଲୁଟ୍ ଉଦ୍ୟମ

ଖୋର୍ଦ୍ଧା: ଦୋକାନୀ ଆଖିରେ ଲଙ୍କାଗୁଣ୍ଡ ପକାଇ ସୁନା ହାର ଲୁଟ୍ ଉଦ୍ୟମ । ଦୋକାନୀ ଧରି ପକାଇବାରୁ ବ୍ୟାଗ୍ ଛାଡି ଚମ୍ପଟ ମାରିଲା ଚୋର । ସିସିଟିଭିରେ କଏଦ ହୋଇଛି ଲୁଟ ସମୟର ଭିଡ଼ିଓ । ପୂଜା ପୂର୍ବରୁ ଲୁଟେରାଙ୍କ ଆଖି ବିଭିନ୍ନ ସୁନା ଦୋକାନ ଉପରେ ରହିଛି । ବିଭିନ୍ନ କୌଶଳରେ ଲୁଟ ପାଇଁ ବ୍ୟାଗ୍ ରେ ଲଙ୍କାଗୁଣ୍ଡ, ମାରଣାସ୍ତ୍ର ଧରି ବୁଲୁଛନ୍ତି ଲୁଟେରା । ଆଜି ଖୋର୍ଦ୍ଧା ମୁଖ୍ୟ ରାସ୍ତାରେ ଥିବା ମହାଦେବ ଜୁଏଲର୍ସରେ ରୁପା ମୁଦି, ସୁନା ମୁଦି କିଣିବାକୁ ଆସି ବ୍ୟାଗ୍ ରୁ ଲଙ୍କା ଗୁଣ୍ଡ କାଢି ଦୋକାନୀ ଆଖିକୁ ଫୋପାଡି ସୁନା ହାର ନେବାକୁ ଉଦ୍ୟମ କରିଥିଲେ ଜଣେ ଲୁଟେରା । ତେବେ ଦୋକାନୀ ମାଡ଼ି ବସିବାରୁ ବ୍ୟାଗ୍ ଚପସଲ ଛାଡି ଦୌଡ଼ି ପଳାଇଥିଲା । ରାସ୍ତାରେ ଦୌଡୁ ଥିବାର ଦୃଶ୍ୟ ସିସିଟିଭି ରେ କଏଦ୍ ହୋଇଛି । ଅଭିଯୋଗ ପରେ ତଦନ୍ତ ଆରମ୍ଭ କରିଛି ପୋଲିସ୍ ।