କଲେଜରେ ପଶି ଛାତ୍ରଙ୍କୁ ସଂଘବଦ୍ଧ ଭାବେ ଛୁରାମାଡ଼ କଲେ ଅଣଛାତ୍ର
ନୂଆପଡ଼ା: ଖଡ଼ିଆଳ ମଡେଲ ଡିଗ୍ରୀ କଲେଜରେ ଛୁରାମାଡ଼ ହୋଇଛି । କିଛି ଅଣଛାତ୍ର କଲେଜ ଭିତରେ ପଶି +୩ ଦ୍ୱିତୀୟ ବର୍ଷର ଛାତ୍ରଙ୍କୁ ଛୁରାମାଡ଼ କରିଛନ୍ତି । ଏନେଇ ଛାତ୍ର କଲେଜ କର୍ତ୍ତୃପକ୍ଷ ଓ ଖଡ଼ିଆଳ ଥାନାରେ ଅଭିଯୋଗ କରିଥିବା ବେଳେ ପୋଲିସ ତଦନ୍ତ କରୁଛି ।
ଶନିବାର କଲେଜରେ +୩ ଦ୍ୱିତୀୟ ବର୍ଷ ଫର୍ମ ଫିଲଅପ୍ ଚାଲିଥିଲା । ସେହି ସମୟରେ ପ୍ରାୟ ୫ ଜଣ ଅଣଛାତ୍ର କଲେଜ ପରିସରକୁ ଆସିଥିଲେ । ଅଣଛାତ୍ରଙ୍କ ସହ ଯୁକ୍ତ ତିନି ତୃତୀୟ ବର୍ଷ ନରେଶ ଧକ୍କା ହୋଇ ଯାଇଥିଲେ । ନରେଶ ଏଥିପାଇଁ କ୍ଷମା ମଗିଥିବା ବେଳେ ଅଣଛାତ୍ର ନରେଶଙ୍କୁ ଘେରି ଯାଇ ମାଡ଼ ମାରିଥିଲେ । ଏପରିକି ଛୁରାରେ ଆକ୍ରମଣ କରିଥିଲେ ।
ଆହତ ନରେଶଙ୍କୁ ଅନ୍ୟ ଛାତ୍ର ଓ କଲେଜ କର୍ତ୍ତୃପକ୍ଷ ଖଡ଼ିଆଳ ସ୍ୱାସ୍ଥ୍ୟକେନ୍ଦ୍ରକୁ ନେଇ ଚିକିତ୍ସା କରିଛନ୍ତି । ଅଭିଯୋଗ ଅନୁଯାୟୀ ଘଟଣାର ତଦନ୍ତ କରାଯାଉଥିବା କଲେଜ ଅଧ୍ୟକ୍ଷ ମଧୁସୂଦନ ସାହୁ କହିଛନ୍ତି । ପୋଲିସ ସିସିଟିଭି ଅନୁଧ୍ୟାନ କରି ତଦନ୍ତ ଜାରି ରଖିଛି ।
