ସିନେମା ଜଗତରୁ ଆସିଲା ଦୁଃଖ ଖବର: KGF ଫିଲ୍ମର ଏହି ଅଭିନେତାଙ୍କର ପରଲୋକ

ଫିଲ୍ମ ଇଣ୍ଡଷ୍ଟ୍ରିରୁ ଆସିଛି ଏକ ବଡ଼ ଦୁଃଖଖବର । ସୁପରଷ୍ଟାର ୟଶଙ୍କ କେଜିଏଫ ସମେତ ବହୁ ଫିଲ୍ମରେ ଅଭିନୟ କରିଥିବା ବରିଷ୍ଠ ଅଭିନେତା ଦିନେଶ ମଙ୍ଗଲୁରୁ ଆଉ ନାହାନ୍ତି । ୫୫ ବର୍ଷ ବୟରେ ଦିନେଶ ସବୁଦିନ ପାଇଁ ଦୁନିଆକୁ ଅଲବିଦା କହିଛନ୍ତି । ତାଙ୍କର ମୃତ୍ୟୁରେ ସିନେମା ଜଗତରେ ଶୋକର ଲହରୀ ଖେଳିଯାଇଛି । ଦୀର୍ଘସମୟ ଧରି ସେ ବୀମାର ଗ୍ରସ୍ତ ରହିଥିଲେ । ଏହା ମଧ୍ୟରେ ଅଚାନକ ତାଙ୍କର ବିୟୋଗ ଖବର ସାମ୍ନାକୁ ଆସିଛି, ଯାହାକି ସାରା ସିନେମା ଜଗତକୁ ସ୍ତବ୍ଧ କରିଦେଇଛି ।

ଦିନେଶ ଆଜି ସକାଳେ କର୍ଣ୍ଣାଟକର ଉଡୁପି ଜିଲ୍ଲାର କୁଣ୍ଡାପୁରା ସ୍ଥିତ ନିଜ ଘରେ ଅନ୍ତିମ ନିଃଶ୍ବାସ ତ୍ୟାଗ କରିଥିଲେ । ତାଙ୍କର ବିୟୋଗ ଖବର କନ୍ନଡ଼ ଫିଲ୍ ଇଣ୍ଡଷ୍ଟ୍ରିକୁ ଶୋକର ସାଗରରେ ବୁଡ଼ାଇ ଦେଇଛି । ଜଣେ ସପୋର୍ଟିଂ ଆକ୍ଟର ଭାବେ ଦିନେଶ କନ୍ନଡ଼ ଫିଲ୍ମ ଦୁନିଆରେ ନିଜର ପରିଚୟ ସୃଷ୍ଟି କରିଥିଲେ । ସୁପରଷ୍ଟାର ୟଶଙ୍କ ବ୍ଲକବଷ୍ଟର ଫିଲ୍ ‘KGF: Chapter 1’ରେ ଦିନେଶ ଶେଟ୍ଟୀଙ୍କ ରୋଲ ନିଭାଇଥିଲେ । ଦିନେଶଙ୍କ ଦମଦାର ଅଭିନୟକୁ ଦର୍ଶକ ବେଶ୍ ପ୍ରଶଂସା କରିଥିଲେ । ଉକ୍ତ ଭୂମିକା ପାଇଁ ସେ ଫିଲ୍ମର ସବୁଠାରୁ ଜଣେ ପ୍ରଭାବଶାଳୀ ଖଳନାୟକ ହୋଇପାରିଥିଲେ ।