KGFର ଜଲୱା ଜାରି, ୧୧ଦିନରେ ୮୮୩କୋଟି ଟଙ୍କା ଆୟ

1 min read

ନୂଆଦିଲ୍ଲୀ: ଗ୍ଲୋବାଲ ଷ୍ଟାର ହୋଇଯାଇଥିବା ଅଭିନେତା ୟସଙ୍କ ଫିଲ୍ମ KGF -2 ବ୍ଲକବଷ୍ଟର ହୋଇଯାଇଛି । ଆଉ ଏହି ଫିଲ୍ମ ବକ୍ସଅଫିସରେ ଧମାଲ କରିଛି । ଫିଲ୍ମ ରିଲିଜ ହେବାର ୧୧ ଦିନ ହୋଇଯାଇଥିଲେ ବି ଏହାର କ୍ରେଜ କମିନି । KGF -2 ଭାରତର ୬ଷ୍ଠ  ସବୁଠୁ ଅଧିକ ରୋଜଗାର କରିଥିବା ଫିଲ୍ମ ହୋଇଯାଇଛି । ବର୍ତ୍ତମାନ ସୁଦ୍ଧା ଫିଲ୍ମଟି ସମୁଦାୟ ୮୮୩କୋଟି ଟଙ୍କାର ଆୟ କରିସାରିଛି ।

କୁହାଯାଉଛି ଯେ, ୧୧ଦିନରେ KGF-2 ୮୮୩କୋଟି ଟଙ୍କା ରୋଜଗାର କରି ଅମିର ଖାନଙ୍କ ଫିଲ୍ମ ପିକେ’କୁ ପଛରେ ପକାଇଛି । ଆଉ ଏହି ଫିଲ୍ମ ଖୁବ ଶୀଘ୍ର ହଜାର କୋଟି ଟଙ୍କାରୁ ଅଧିକ ଆୟ କରିବ ବୋଲି ଅନୁମାନ କରାଯାଉଛି ।

ଟ୍ରେଣ୍ଡ ଆନାଲିଷ୍ଟ ମନୋବାଲା ବିଜୟବାଲାଙ୍କ ଟ୍ୱିଟ ଅନୁସାରେ, ୧୦୦କୋଟିର ବଜେଟରେ ନିର୍ମିତ ଫିଲ୍ମ  KGF-2 ଦ୍ୱତୀୟ ସପ୍ତାହ ଅର୍ଥାତ୍ ୧୧ତମ ଦିନରେ ୬୪.୮୩ କୋଟି ଟଙ୍କାର ରୋଜଗାର କରିଛି । ଏବଂ ଏହି ଆୟକୁ ଯୋଡ଼ି KGF-2  ବର୍ତ୍ତମାନ ସୁଦ୍ଧା ୮୮୩.୫୬ କୋଟି ଟଙ୍କା ହୋଇଛି । କୁହାଯାଉଛି ଯେ, ଫିଲ୍ମଟି ଅମିରଙ୍କ  ଫିଲ୍ମ ପିକେ’ର ଲାଇଫଟାଇମ୍ କଲେକ୍ସନକୁ ପଛରେ ପାଇଛି ଏବଂ ଭାରତର ସବୁଠୁ ଅଧିକ ରୋଜଗାର କରିଥିବା ୬ଷ୍ଠ ଫିଲ୍ମ ହୋଇଯାଇଛି ।

ହିନ୍ଦି ଭାଷାରେ ୩୦୦କୋଟିରୁ ଅଧିକ ଟଙ୍କାର ଆୟ କରିସାରିଛି KGF-2

ରକି ଭାଇ ଅର୍ଥାତ୍ ୟଶଙ୍କ ଫିଲ୍ମ KGF-2ର ହିନ୍ଦି ଭର୍ଜନ ମଧ୍ୟ ବକ୍ସ ଅଫିସରେ କମାଲ କରିଛି । ଏହା ୩୦୦ କୋଟିରୁ ଅଧିକ ଆୟ କରିସାରିଛି । ଟ୍ରେଣ୍ଡ ଆନାଲିଷ୍ଟ ତରୁଣ ଆଦର୍ଶଙ୍କ ଅନୁସାରେ KGF-2ର ହିନ୍ଦି ବର୍ଜନ ୧୧ଦିନରେ ୩୨୧.୧୨ କୋଟି ଟଙ୍କା ରୋଜଗାର କରିସାରିଛି । ସୂଚନା ଥାଉକି, ଫିଲ୍ମଟିକୁ ୧୪ ଏପ୍ରିଲ ହଲମାନଙ୍କରେ ରିଲିଜ କରାଯାଇଛି । ଏହି ଫିଲ୍ମରେ ୟସ ଏବ ଶ୍ରୀନିଧି ସେଠୀଙ୍କ ବ୍ୟତୀତ ସଞ୍ଜୟ ଦତ୍ତ, ରବୀନା ଟଣ୍ଡନଙ୍କ ଭଳି ନାମିଦାମୀ ଅଭିନେତା ଅଛନ୍ତି । ଆଉ ଏହି ଫିଲ୍ମ ପାଇଁ ସମସ୍ତ କଳାକାରଙ୍କୁ ଖୁବ ପ୍ରଶଂସା ମଧ୍ୟ ମିଳିଛି । ଆଉ ମଧ୍ୟ ସମସ୍ତଙ୍କ ଚରିତ୍ର ସୁପର ହିଟ୍ ହୋଇଛି । ଫିଲ୍ମଟିକୁ ତେଲୁଗୁ, ତାମିଲ, କନ୍ନଡ, ହିନ୍ଦି ଏବଂ ମାଲୟାଲମ ଭାଷାରେ ରିଲିଜ କରାଯାଇଛି ।

[DISPLAY_ULTIMATE_SOCIAL_ICONS]