ସୁପରଷ୍ଟାର ହେବାକୁ ୩୦୦ ଟଙ୍କା ନେଇ ଘରୁ ବାହାରିଥିଲେ KGF Chapter 2 ଅଭିନେତା ୟଶ ..
1 min read
ମୁମ୍ବାଇ: KGF Chapter 2 ସୁପରଷ୍ଟାର ତାଙ୍କ ଫିଲ୍ମ ପାଇଁ ବେଶ୍ ଲୋକପ୍ରିୟତା ହାସଲ କରୁଛନ୍ତି । ପ୍ରଶାନ୍ତ ନିଲଙ୍କ ଏହି ଫିଲ୍ମ ବକ୍ସ ଅଫିସରେ ଧମାଲ କରୁଛି । ଏକାଧିକ ବକ୍ସ ଅଫିସ ରେକର୍ଡ଼କୁ ଭାଙ୍ଗି ଶୀର୍ଷ ସ୍ଥାନ ମଧ୍ୟ ନେଇ ସାରିଲାଣି । ଫିଲ୍ମ କେବଳ ପ୍ରଚୁର ରୋଜଗାର କରୁଛି ତାହା ନୁହେଁ ବରଂ ୟଶଙ୍କ ଅଭିନୟକୁ ଦର୍ଶକଙ୍କ ଠାରୁ ଆରମ୍ଭ କରି କ୍ରିଟିକ୍ସଙ୍କ ପର୍ଯ୍ୟନ୍ତ ସମସ୍ତେ ପ୍ରଶଂସାରେ ପୋତି ପକାଉଛନ୍ତି । ନିକଟରେ ନିର୍ଦ୍ଦେଶକ ରାମ ଗୋପାଳ ବର୍ମା ଫିଲ୍ମର ଯଥେଷ୍ଟ ପ୍ରଶଂସା କରି କହିଥିଲେ ଆଗାମୀ କିଛି ବର୍ଷ ପର୍ଯ୍ୟନ୍ତ ବଲିଉଡକୁ ଏହି ଫିଲ୍ମର ଭୟଙ୍କର ସ୍ୱପ୍ନ ଆସିବ ।
ବାସ୍ତବରେ କ’ଣ ୟଶଙ୍କ ବାସ୍ତବ ନାଁ ନବୀନ କୁମାର ଗୌଡ଼ ଏବଂ ତାଙ୍କର ଫିଲ୍ମ ଇଣ୍ଡଷ୍ଟ୍ରି ସହିତ କୌଣସି ସଂଯୋଗ ନଥିଲା ? ଏହା ସତଯେ ୟଶ ଏକ ଗରିବ ମଧ୍ୟବିତ୍ତ ପରିବାରରୁ ଆସିଛନ୍ତି । ତାଙ୍କ ବାପା ଥିଲେ ଜଣେ ବସ୍ କଣ୍ଡକ୍ଟର ଏବଂ ମା’ ଗୃହିଣୀ । କିନ୍ତୁ ସବୁବେଳେ ସୁପରଷ୍ଟାର ହେବାର ସ୍ୱପ୍ନ ଦେଖୁଥିଲେ ୟଶ୍ । ସେଥିପାଇଁ ତାଙ୍କୁ କଠିନ ପରିଶ୍ରମ ଏବଂ ସଂଘର୍ଷ କରିବାକୁ ପଡ଼ିଥିଲା ।
View this post on Instagram
କୁହାଯାଏ, ଇଛା ଯେତେବେଳେ ସ୍ୱପ୍ନ ପୂରଣ କରିବାର ଥାଏ, ମନ କିଛି ବନ୍ଧବାଡ଼ ମାନେନା । ସବୁ ବାଧାବିଘ୍ନକୁ ଅତିକ୍ରମ କରି ମାଡ଼ିଚାଲେ ଦେଖିଥିବା ସ୍ୱପ୍ନକୁ ପୂରଣ କରିବାକୁ । ୟଶ୍ ମଧ୍ୟ ତାହା ହିଁ କରିଥିଲେ । ଦିନେ ହଠାତ୍ ଘର ଛାଡ଼ି ଚାଲି ଯାଇଥିଲେ ଏବଂ ପକେଟରେ ଥିଲା ମାତ୍ର ୩୦୦ ଟଙ୍କା ।
ଥରେ ଏକ ସାକ୍ଷାତକାରରେ ୟଶ୍ କହିଥିଲେଯେ ତାଙ୍କ ଘର ମଇଶୁରରେ ଏବଂ ସେ ହାସନରେ ଜନ୍ମ ହୋଇଥିଲେ । ତାଙ୍କ ପିଲାଦିନର ଅଧିକ ସମୟ ମଇଶୁରରେ ହିଁ ବିତିଥିଲା । ତେବେ ଏକାଧିକ ଫ୍ୟାନ୍ସି ପ୍ରତିଯୋଗିତାରେ ସେ ଅଂଶଗ୍ରହଣ କରୁଥିଲେ । ଏହା ସହିତ ଡ୍ୟାନ୍ସ ମଧ୍ୟ । ଯାହା ତାଙ୍କୁ ସଫଳତାର ଶୀଖରକୁ ଛୁଇଁବାରେ ଏକ ପ୍ରକାର ସାହାଯ୍ୟ କରିଥିଲା । ତେବେ ତାଙ୍କ ଆତ୍ମବିଶ୍ୱାସ ହିଁ ତାଙ୍କୁ ଏଭଳି ସ୍ଥାନରେ ପହଞ୍ଚାଇଛି । ୟଶ୍ କୁହନ୍ତି ସେ ସୁପରଷ୍ଟାର ହେବା ବ୍ୟତୀତ ଅନ୍ୟ କୌଣସି ସ୍ୱପ୍ନ ଦେଖିନଥିଲେ । ତାଙ୍କୁ କମ୍ ବୟସ ହୋଇଥିବାବେଳେ ତାଙ୍କ ଶିକ୍ଷକ ତାଙ୍କୁ ହିରୋ ବୋଲି ଡାକୁଥିଲେ । ତାଙ୍କୁ ଯେତେବେଳେ କେହି ଭବିଷ୍ୟତରେ କ’ଣ କରିବୁ, ପଚାରନ୍ତି ସେ କୁହନ୍ତି ହିରୋ ହେବି । ତାଙ୍କର ଏହି କଥାକୁ ନେଇ ଅନେକ ତାଚ୍ଛଲ୍ୟ ମଧ୍ୟ କରନ୍ତି । କିନ୍ତୁ ସେ କେବେ ମନୋବଳ ଭାଙ୍ଗିନଥିଲେ । ତେବେ ଘର ଛାଡ଼ିବା ପରେ ତାଙ୍କୁ କିଛି ଲୋକ ଖୁବ୍ ସାହାଯ୍ୟ କରିଥିଲେ । ସେ ଏକ ଥିଏଟର ଗ୍ରୁପରେ ଯୋଗ ଦେଲେ । ଯେଉଁଥିରେ ସେ ବ୍ୟାକଷ୍ଟେଜରେ କାମ କରିବା ଆରମ୍ଭ କରିଥିଲେ ଏବଂ ସଫଳତା ଏବେ ସମସ୍ତଙ୍କ ସାମ୍ନାରେ ।
