୧୬ ବର୍ଷ ତଳୁ ମିଳିଛି ମାନ୍ୟତା । ଶୁଭ ଦେଇ ଶୋଇପଡିଛି ପ୍ରଶାସନ । ବିକାଶ କେବଳ ସୂଚନା ଫଳକରେ ସୀମିତ ରହିଥିବା ବେଳେ ଗୁମୁରି କାନ୍ଦୁଛି କେଶରୀକୁଣ୍ଡ । କେନ୍ଦୁଝର ଜିଲ୍ଲା ଚମ୍ପୁଆ ବ୍ଲକ ସରେଇ ଗାଁର ବୈତରଣୀ ନଦୀକୂଳରେ ରହିଛି କେଶରୀକୁଣ୍ଡ । ବୈତରଣୀ ନଦୀ ପଠାରେ ଥିବା ବିରାଟ ପଥର ଶଯ୍ୟା ଉପରେ ନଦୀ ଶଯ୍ୟାକୁ ଲାଗି ରହିଛି ତିନୋଟି ବିରଳ ପଥର କୁଣ୍ଡ । ମକର ସଂକ୍ରାନ୍ତିରେ ଏହି କୁଣ୍ଡରେ ବୁଡ ପକାଇଲେ ମୋକ୍ଷ ପ୍ରାପ୍ତ ହୁଏ ବୋଲି ଭକ୍ତଙ୍କ ରହିଛି ଅତୁଟ ବିଶ୍ଵାସ । ଯାହାକୁ ନେଇ ବର୍ଷ ସାରା ଏଠାକୁ ଲେlକଙ୍କ ଆଗମନ ହୋଇଥାଏ ।
୨୦୦୯ ମସିହାରୁ କେଶରୀ କୁଣ୍ଡକୁ ରାଜ୍ୟ ପର୍ଯ୍ୟଟନସ୍ଥଳରୀ ମାନ୍ୟତା ଦିଆଯାଇଛି । ହେଲେ ତାହା କେବଳ ସୂଚନା ଫଳକରେ ସୀମିତ ରହିଛି । ବିଭାଗୀୟ ଅଧିକାରୀଙ୍କ ଆନ୍ତରିକତା ଅଭାବରୁ କେଶରୀକୁଣ୍ଡର ବିକାଶ ହୋଇପାରୁନି । ଫଳରେ ଏହି ପର୍ଯ୍ୟଟନସ୍ଥଳୀରୁ ମୁହଁ ଫେରାଉଛନ୍ତି ଲୋକେ । ଯାହାକୁ ନେଇ ସ୍ଥାନୀୟ ଲୋକଙ୍କ ମଧ୍ୟରେ ତୀବ୍ର ଅସନ୍ତୋଷ ଦେଖାଦେଇଛି । ତେବେ ଖୁବଶୀଘ୍ର କେଶରୀ କୁଣ୍ଡର ବିକାଶ ପାଇଁ କାମ ଆରମ୍ଭ ହେବ ବୋଲି କହିଛନ୍ତି ଜିଲ୍ଲା ପର୍ଯ୍ୟଟନ ବିଭାଗ ଅଧିକାରୀ । ଶୀଘ୍ର ଏହି ପର୍ଯ୍ୟଟନସ୍ଥଳୀର ବିକାଶ କରିବାକୁ ସାଧାରଣରେ ଦାବି ହୋଇଛି ।
