୫ବର୍ଷର ଶିଶୁ କନ୍ୟାକୁ ଅସଦାଚରଣ ପରେ ହତ୍ୟା ମାମଲା, ଅଭିଯୁକ୍ତ ଅସଫାକ୍ ଅସଲମ ଗିରଫ

ଥିରୁଅନନ୍ତପୁରମ: କେରଳ ଏର୍ଣ୍ଣାକୁଲମରେ ୫ବର୍ଷର ଶିଶୁ କନ୍ୟାକୁ ଅସଦାଚରଣ ପରେ ହତ୍ୟା ମାମଲା । ଅଭିଯୁକ୍ତ ଅସଫାକ୍ ଅସଲମକୁ ଗିରଫ କରାଯାଇଛି । କିଛି ଦିନ ହେଲା ଅସଫାକ ପୀଡ଼ିତା ରହୁଥିବା ବିଲଡିଂରେ ରହୁଥିଲା। ଗତ ଶୁକ୍ରବାର ସଂଧ୍ୟାରେ ବିହାରରୁ ଆସିଥିବା ଦମ୍ପତିଙ୍କ ଝିଅ ନିଖୋଜ ହୋଇଯାଇଥିଲା। ସିସିଟିଭି ଫୁଟେଜରେ ଅଭିଯୁକ୍ତ ଝିଅକୁ ସାଙ୍ଗରେ ନେଇ ଯାଉଥିବା ଦେଖିବାକୁ ମିଳିଥିଲା। ଏହାପରେ ପୋଲିସ ଅସଫାକକୁ ଅଟକ ରଖି ପଚରାଉଚରା କରିଥିଲା । ତେବେ ନିଶାଗ୍ରସ୍ତ ଅବସ୍ଥାରେ ଥିବାରୁ ସଠିକ୍ ତଥ୍ୟ ଦେଇନଥିଲା। ଶନିବାର ସକାଳେ ହତ୍ୟା କରିଥିବା ମାନିଥିଲା ଅସଫାକ୍।

ଅପହରଣ ପରେ ଶିଶୁକୁ ଅସଦାଚରଣ ଓ ହତ୍ୟା କରିଥିଲା ଅଭିଯୁକ୍ତ। ଏହାପରେ ପୀଡ଼ିତାର ମୃତଦେହକୁ ଏକ ବସ୍ତାରେ ପୂରାଇ ଫିଙ୍ଗି ଦେଇଥିଲା। ତେବେ ସିସିଟିଭି ଫୁଟେଜ୍ ଆଧାରରେ ଅଭିଯୁକ୍ତକୁ ଗିରଫ କରାଯାଇଛି । ନାବାଳିକା ହତ୍ୟାକାଣ୍ଡ ପରେ ସୋସିଆଲ ମିଡିଆରେ ହୃଦରସ୍ପର୍ଶୀ ପୋଷ୍ଟ କରିଛି କେରଳ ପୋଲିସ। ନାବାଳିକାକୁ ସୁରକ୍ଷିତ ତାର ବାପା ମାଆଙ୍କ ପାଖରେ ପହଞ୍ଚାଇବାରେ ଆମେ ବିଫଳ ହୋଇଛୁ । ସରି ଡଟର ଲେଖି ପୋଷ୍ଟ କରିଛି କେରଳ ପୋଲିସ ।