ଏମଜିଏନଆରଇଜିଏରେ କାମ ନମିଳିବା ପ୍ରତିବାଦରେ କେରଳ କଂଗ୍ରେସ ସାଂସଦଙ୍କ ଧାରଣା

ନନ୍ଦିଘୋଷ ବ୍ୟୁରୋ: କେରଳରେ ଏମଜିଏନଆରଇଜିଏ ଯୋଜନାରେ ବ୍ୟାପକ ଅନିୟମିତତା ଅଭିଯୋଗ । ଶ୍ରମିକଙ୍କୁ ମିଳୁନି ଉପଯୁକ୍ତ ପ୍ରାପ୍ୟ । ବାରମ୍ବାର ଦାବି ପରେ ବି ମିଳୁନି ସୁଫଳ । ପ୍ରତିବାଦରେ ସଂସଦ ଭବନ ବାହାରେ କେରଳର କଂଗ୍ରେସ ସାଂସଦଙ୍କ ପ୍ରତିବାଦ ।

ଏଥିରେ ୱାୟନାଡ ସାଂସଦ ପ୍ରିୟଙ୍କା ଗାନ୍ଧୀ, ବିରୋଧୀ ଦଳ ନେତା ରାହୁଲ ଗାନ୍ଧୀ, ଥିରୁବନନ୍ତପୁରମ ସାଂସଦ ଶଶୀ ଥରୁର, ଆଲ୍ଲାପୁଝା ସାଂସଦ କେ.ସି. ବେଣୁଗୋପାଳ ଓ ଅନ୍ୟ ସାଂସଦମାନେ ସାମିଲ ହୋଇଥିଲେ । ଏହାସହ କେନ୍ଦ୍ର ଓ ରାଜ୍ୟ ସରକାରଙ୍କ ବିରୋଧରେ ନାରାବାଜି କରିଥିଲେ ।

ଦୀର୍ଘଦିନ ଧରି ଶ୍ରମିକଙ୍କୁ କାହିଁକି ପାଉଣା ମିଳୁନାହିଁ ବୋଲି କଂଗ୍ରେସ ସାଂସଦ ପ୍ରଶ୍ନ କରିଛନ୍ତି । ରାଜ୍ୟରେ ଏମଜିଏନଆରଇଜିଏର ନିୟମାବଳୀକୁ ଉଲ୍ଲଂଘନ କରାଯାଉଛି । ଦୀର୍ଘ ୪ ମାସ ଧରି ଏମଜିଏନଆରଇଜିଏରେ ଶ୍ରମିକଙ୍କୁ ମଜୁରୀ ମିଳିନି । ସେମାନେ କିପରି ବଞ୍ଚିବେ ବୋଲି ପ୍ରଶ୍ନ କରିଛନ୍ତି ସାଂସଦ ବେଣୁଗୋପାଳ ।