ମହିଳା ଜନପ୍ରତିନିଧିଙ୍କ ନାଁରେ ଅଶ୍ଳୀଳ ଫଟୋ ଭାଇରାଲ୍ ମାମଲାରେ ଓଟିଭି ବରିଷ୍ଠ ସାମ୍ବାଦିକଙ୍କୁ ଜେରା
ଭୁବନେଶ୍ୱର: କେନ୍ଦୁଝରର ଜଣେ ମହିଳା ଜନପ୍ରତିନିଧିଙ୍କ ନାଁରେ ଅଶ୍ଲୀଳ ଫଟୋ ଭାଇରାଲ୍ ମାମଲାରେ ପୁଣି ଅଡ଼ୁଆରେ ଓଟିଭି । ପୂର୍ବରୁ ଏହି ମାମଲାରେ ଚ୍ୟାନେଲର ଜଣେ ସାମ୍ବାଦିକଙ୍କୁ ପୋଲିସ୍ ଗିରଫ କରିଥିଲା । କିଛି ମାସ ଜେଲରେ ରହିବା ପରେ ସେ ଏବେ ଜାମିନରେ ଅଛନ୍ତି । ତେବେ ସମ୍ପୃକ୍ତ ଅଭିଯୁକ୍ତଙ୍କୁ ପଚାରାଉଚରା ବେଳେ ସେ ଅନ୍ୟଜଣେ ବରିଷ୍ଠ ସାମ୍ବାଦିକ ତାଙ୍କୁ ସେହି କଣ୍ଟେଣ୍ଟ ପଠାଇଥିଲେ ବୋଲି ପୋଲିସ୍ ଆଗରେ ସ୍ୱୀକାର କରିଥିଲେ ।
ଆଜି ସେହି ମାମଲାରେ କେନ୍ଦୁଝର ସଦର ପୋଲିସ୍ କଣ୍ଟେଣ୍ଟ ପଠାଇଥିବା ଓଟିଭି ସାମ୍ବାଦିକଙ୍କୁ ପଚରାଉଚରା କରିଛି । ଏଥିସହ ପୋଲିସ ସମ୍ପୃକ୍ତ ସାମ୍ବାଦିକଙ୍କ ମୋବାଇଲ୍ ଜବତ କରିଛି । ଅଧିକ ଯାଞ୍ଚ ପାଇଁ ପୋଲିସ୍ ଓଟିଭି କାର୍ଯ୍ୟାଳୟକୁ ଯାଇଥିଲା । ହେଲେ ଓଟିଭି କର୍ତ୍ତୃପକ୍ଷ ପୋଲିସକୁ ସହଯୋଗ ନକରି ଫେରାଇ ଦେଇଥିଲେ ବୋଲି କହିଛନ୍ତି କେନ୍ଦୁଝର ସଦର ଥାନା ଅଧିକାରୀ ଜୟନାରାୟଣ ଖଣ୍ଡାଇ ।
