ଟ୍ରାଏଲ୍ ରୁମରେ ଯୁବତୀଙ୍କ ଫଟୋ ଉତ୍ତୋଳନ ବେଳେ ଧରାପଡ଼ିଲେ ଯୁବକ

କେନ୍ଦୁଝର: ମଲ୍ ଯାଇଥିଲେ ଡ୍ରେସ୍ କିଣିବାକୁ ହେଲେ ଟ୍ରାଏଲ୍ ରୁମରେ ଫଟୋ ପ୍ରେମରେ ପଡ଼ିଗଲେ । ନିଜ ଫଟୋ ନୁହେଁ ବରଂ ଅନ୍ୟ ଜଣେ ଯୁବତୀଙ୍କ । ଟ୍ରାଏଲ୍ ରୁମରେ ଯୁବତୀଙ୍କ ଅଜାଣତରେ ଫଟୋ ଉଠାଉଥିବା ଯୁବକକୁ କେନ୍ଦୁଝର ଟାଉନ୍ ଥାନା ପୋଲିସ କାବୁ କରିଛି । କେନ୍ଦୁଝର ସହରର ଏକ ମଲରେ ଜଣେ ଯୁବତୀ ଟ୍ରାଏଲ୍ ରୁମରେ ଡ୍ରେସ୍ ଚେଞ୍ଜ କରୁଥିଲେ ।

ହଠାତ୍ ୨ ଡ୍ରେସିଂ ରୁମ ମଧ୍ୟରେ ଥିବା ଉପର ଫାଙ୍କରୁ କେହି ଫଟୋ ଉଠାଇଥିବା ଦେଖିଥିଲେ । ସଙ୍ଗେ ସଙ୍ଗେ ଯୁବତୀ ଜଣଙ୍କ ଟ୍ରାଏଲ୍ ରୁମରୁ ବାହାରି ଏନେଇ ମଲ କର୍ମଚାରୀଙ୍କୁ ଜଣାଇଥିଲେ । ଏଥିସହ ଟାଉନ୍ ଥାନାରେ ଅଭିଯୋଗ କରିଥିଲେ ଯୁବତୀ । ଯୁବତୀଙ୍କ ଅଭିଯୋଗ କ୍ରମେ ପୋଲିସ ଯୁବକଙ୍କୁ ହେପାଜତକୁ ନେଇଛି । ଆଇପିସି ଧାରା ୩୫୪ ସି, ଡି ଓ ୫୦୬ରେ ମାମଲା ରୁଜୁ କରି ପୋଲିସ ତଦନ୍ତ ଚଳାଇଛି ।