କେନ୍ଦୁଝର ଶିଶୁ ଦୁଷ୍କର୍ମ ଓ ହତ୍ୟା ଘଟଣା; ୨ ବର୍ଷ ପରେ ଅଭିଯୁକ୍ତକୁ ଫାଶୀ ଦଣ୍ଡାଦେଶ

1 min read

କେନ୍ଦୁଝର: ଶିଶୁକନ୍ୟା ଦୁଷ୍କର୍ମ ଅଭିଯୁକ୍ତକୁ ଫାଶୀ ଦଣ୍ଡାଦେଶ । କେନ୍ଦୁଝର ଚମ୍ପୁଆ ଥାନା ସସାଙ୍ଗ ଗାଁରେ ଗତ ୨୦୧୭ ମସିହା ଜାନୁଆରୀ ୧୩ ତାରିଖରେ ଜଣେ ତିନି ବର୍ଷର୍ ଶିଶୁକନ୍ୟାକୁ ଦୁଷ୍କର୍ମ ଓ ହତ୍ୟା ଅଭିଯୋଗରେ ଅଭିଯୁକ୍ତ ସୁନିଲ ନାୟକକୁ ଦୋଷୀ ସାବ୍ୟସ୍ତ କରିଛନ୍ତି କେନ୍ଦୁଝର ADJ ଲୋକନାଥ ସାହୁ ।

ଗତ ଜାନୁଆରୀ ୧୩, ୨୦୧୭ମସିହାରେ ଶିଶୁଟିର ବାପା ମାଆ ହାଟକୁ ଯାଇଥିବା ସମୟରେ ଶିଶୁଟି ତାଙ୍କ ଚାକରାଣୀ ପାଖରେ ଥିଲା । ଏହି ସମୟରେ ତାଙ୍କ ସଂପର୍କୀୟ ସୁନୀଲ (ଅଭିଯୁକ୍ତ) ଅନ୍ୟଦିନ ଭଳି ସେଦିନ ମଧ୍ୟ ଝିଅକୁ ବୁଲାଇବାକୁ ନେଇଥିଲେ । ହେଲେ ତା’ ପରଠାରୁ ଶିଶୁକନ୍ୟାର ଆଉ ଖୋଜଖବର ମିଳିନଥିଲା । ତାପର ଦିନ ଶିଶୁଟିର ମୃତଦେହ ଗାଁ ସ୍କୁଲର ପରିତ୍ୟକ୍ତ ରୋଷେଇ ଘରୁ ମିଳିଥିଲା । ଯାହାକୁ ନେଇ ତୀବ୍ର ଜନଅସନ୍ତୋଷ ଦେଖା ଦେଇଥିଲା ।

ଶିଶୁର ବାପା ଥାନାରେ ଏତଲା ଦେବା ପରେ ପୋଲିସ କାର୍ଯ୍ୟାନୁଷ୍ଠାନ ଆରମ୍ଭ କରିଥିଲା । ଘଟଣାର ତଦନ୍ତ ପରେ ୨୮ ଜଣଙ୍କୁ ସାକ୍ଷୀ ନେଇ ସୁନିଲ ଅଭିଯୁକ୍ତ ବୋଲି ପୋଲିସ ଜାଣିବାକୁ ପାଇଲା । ଏହାର ଶୁଣାଣି କରି ଆଜି କେନ୍ଦୁଝର ADJ ଅଭିଯୁକ୍ତକୁ ଫାଶୀ ଦଣ୍ଡାଦେଶ ଦେଇଛନ୍ତି ।

Leave a Reply