କେନ୍ଦୁଝରରେ ହୁ ହୁ ହୋଇ ଜଳିଲା ଜଙ୍ଗଲ
କେନ୍ଦୁଝର: ହୁ ହୁ ହୋଇ ଜଳିଗଲା ଜଙ୍ଗଲ। କେନ୍ଦୁଝର ପାଟଣା ରେଞ୍ଜ ଖିରେଇଟାଙ୍ଗିରୀ ସେକ୍ସନ୍ ଭାଲୁପାହାଡ଼ି ପଟାସ୍ ଜଙ୍ଗଲରେ ନିଆଁ ଲାଗି ଜଳିଯାଇଛି ଶହ ଶହ ଗଛ। ଜଙ୍ଗଲ ନିକଟରେ ଲୋକଙ୍କର ଘର ଥିବାରୁ ନିଆଁକୁ ଦେଖି ଭୟଭୀତ ହୋଇଛନ୍ତି।
ଖବର ପାଇ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲା। ଗତ କିଛି ଦିନ ହେବ ପାଟଣା ରେଞ୍ଜ୍ର ବିଭିନ୍ନ ଜଙ୍ଗଲରେ ନିଆଁ ଲାଗୁଥିବା ଜଣାପଡ଼ିଛି। ପୂର୍ବରୁ ବ୍ରାହ୍ମଣୀଦେଓ ପଟାସ୍ ଜଙ୍ଗଲ ଓ ଦ୍ଵାରିକାପଶି ଆକାଶିଆ ଜଙ୍ଗଲରେ ନିଆଁ ଲାଗିବା ସହ ଅନ୍ୟ କେତେକ ଜଙ୍ଗଲରେ ନିଆଁ ଲାଗି ବହୁ ମୂଲ୍ୟବାନ ଗଛ ଜଳିଯାଇଥିବା ସୂଚନା ମିଳିଛି।
