ଆସନ୍ତା ୧୮ରେ ଚକ ଅଖ ବନ୍ଦ କରିବ ଟ୍ରକ ମାଲିକ ସଂଘ

କେନ୍ଦୁଝର: ଆସନ୍ତା ୧୮ରେ ଚକ ଅଖ ବନ୍ଦ କରିବ ଟ୍ରକ ମାଲିକ ସଂଘ । ସାମ୍ବାଦିକ ସମ୍ମିଳନୀରେ କେନ୍ଦୁଝର ଜିଲ୍ଲା ଟ୍ରକ ମାଲକ ସଂଘ ଏନେଇ ସୂଚନା ଦେଇଛି । କେନ୍ଦୁଝର ଶୁଆକାଟିସ୍ଥିତ ଓଏମସି ଗନ୍ଧମାର୍ଦ୍ଧନ ମାଇନ୍ସଠାରୁ ଗୁହାଳଡିହି ସାଇଡିଂ ପର୍ଯ୍ୟନ୍ତ ଟ୍ରେନ ଲାଇନ ବିଚ୍ଛାଇବା ପାଇଁ କେନ୍ଦ୍ର ଅନୁମୋଦନ କରିଛି । ଏଥିପାଇଁ ୨୦ କୋଟି ଟଙ୍କା ଖର୍ଚ୍ଚ ହେବ । ଏହାଦ୍ବାରା ଟ୍ରକ ମାଲିକ ମାନେ କ୍ଷତି ସହିବା ସହ ଜିଲ୍ଲାର ଅର୍ଥନୀତି ପ୍ରଭାବିତ ହେବ ବୋଲି ସଂଘ କହିଛି । ଏଣୁ କ୍ଷୋଭ ପ୍ରକାଶ କରିବା ସହ ପ୍ରତିବାଦରେ ଆସନ୍ତା ୧୮ ତାରିଖରେ ଧର୍ମଘଟ କରିବାକୁ ନିଷ୍ପତ୍ତି ନେଇଛି ଟ୍ରକ ମାଲିକ ସଂଘ । ତେବେ ଆନ୍ଦୋଳନ ସମୟରେ ଅତ୍ୟାବଶ୍ୟକ ସାମଗ୍ରୀ ପରିବହନ , ପରୀକ୍ଷା ଦେବାକୁ ଯାଉଥିବା ପିଲାଙ୍କ ସହ ମେଡ଼ିକାଲକୁ ଯାଉଥିବା ରୋଗୀ ଯେପରି କୌଣସି ସମସ୍ୟା ଭୋଗିବେନି ସେନେଇ ପଦକ୍ଷେପ ନିଆଯିବ ।