ଦୁଇଟି କାରରୁ ୧ କ୍ବିଣ୍ଟାଲରୁ ଅଧିକ ଗଞ୍ଜେଇ ଜବତ

ନନ୍ଦିଘୋଷ ବ୍ୟୁରୋ: କେନ୍ଦୁଝରରୁ ୧ କୁଇଣ୍ଟା ଗଞ୍ଜେଇ ଜବତ। ଦୁଇଟି କାରରେ ବୋଝେଇ ହୋଇ ଗଞ୍ଜେଇ ଚୋରା ଚାଲାଣ ହେଉଥିବା ବେଳେ ମାଡ଼ି ବସିଲା ପୋଲିସ । ଗଞ୍ଜେଇ ବୋଝେଇ ୨ଟି କାର୍ ସହିତ ୬ ଜଣଙ୍କୁ ଅଟକ ରଖିଛି କେନ୍ଦୁଝର ଜିଲ୍ଲା ଟାଉନ୍ ଥାନା ପୋଲିସ । କୌଣସି ସୂତ୍ରରୁ ଖବର ପାଇ ୪୯ ନମ୍ବର ଜାତୀୟ ରାଜପଥ ଜୁଡ଼ିଆ ଘାଟି ନିକଟରେ ମୁମ୍ବାଇ ପଟୁ କୋଲକାତା ଆଡ଼େ ଯାଉଥିବା ୨ଟି କାରକୁ ଅଟକାଇଥିଲା ପୋଲିସ। କାର୍ ଛାଡ଼ି ୬ ଜଣ ଲୋକ ଫେରାର୍ ହୋଇ ଯାଉଥିବା ବେଳେ, ସେମାନଙ୍କୁ କାବୁ କରିଥିଲା ପୋଲିସ । ପରେ ମାଜିଷ୍ଟ୍ରେଟଙ୍କ ଉପସ୍ଥିତିରେ କାର୍ ଯାଞ୍ଚ ବେଳେ ପାଖାପାଖି ୧କ୍ଵିଣ୍ଟାଲ୍ ଗଞ୍ଜେଇ ଜବତ କରାଯାଇଥିଲା । ଅଟକ ବ୍ୟକ୍ତିମାନେ କେନ୍ଦୁଝର ଓ ପଡ଼ୋଶୀ ଭଦ୍ରକ ଜିଲ୍ଲାର ବୋଲି ସୂଚନା ମିଳିଛି । ଜବତ ଗଞ୍ଜେଇର ଆନୁମାନିକ ମୂଲ୍ୟ ୫ଲକ୍ଷ ଟଙ୍କାରୁ ଅଧିକ ହେବ।