ଓଟିଭି ବିରୋଧରେ ମାନହାନି ମକଦ୍ଦମା କଲେ ଅନୁଭବ ମହାନ୍ତି
ଭୁବନେଶ୍ୱର: ଓଟିଭି ନାଁରେ ମାନହାନି ମକଦ୍ଦମା । ଦିଲ୍ଲୀ ଜିଲ୍ଲା କୋର୍ଟରେ କେନ୍ଦ୍ରାପଡ଼ା ସାଂସଦ ଅନୁଭବ ମହାନ୍ତି ଓଟିଭି ବିରୋଧରେ ମାନହାନି ମକଦ୍ଦମା ଦାଏର କରିଛନ୍ତି । ଅନୁଭବଙ୍କ ବିରୋଧରେ ଓଟିଭି ଉଦ୍ଦ୍ୟେଶମୂଳକ ଭାବେ ଭିତ୍ତିହୀନ ଖବର ପରିବେଷଣ କରିଥିବା ଅଭିଯୋଗ ହୋଇଛି ।
ଓଟିଭିର ଭିତ୍ତିହୀନ ଖବର ପରିବେଷଣ ଯୋଗୁଁ ସାଂସଦଙ୍କ ସାମାଜିକ ପ୍ରତିଷ୍ଠା କ୍ଷୂର୍ଣ୍ଣ ହୋଇଥିବା ଅପରାଧିକ ମାନହାନି ମକଦ୍ଦମାରେ ଦର୍ଶାଇଛନ୍ତି ଅନୁଭବ । ମାମଲାରେ ଓଟିଭି ପରିଚାଳନା ନିର୍ଦ୍ଦେଶିକା ଜଗି ମଙ୍ଗତ ପଣ୍ଡା ଓ ଓଟିଭି ସମ୍ପାଦକ ରାଧାମାଧବ ମିଶ୍ରଙ୍କୁ ପକ୍ଷଭୁକ୍ତ କରାଯାଇଛି ।
ଉଦ୍ଦେଶ୍ୟ ପ୍ରଣୋଦିତ, ଭିତ୍ତିହୀନ ଖବର ପ୍ରସାରଣ ଦ୍ୱାରା ମାନସିକ ଶାନ୍ତି ଭଙ୍ଗ ହୋଇଥିବା ମାନହାନି ମକଦ୍ଦମାରେ ଉଲ୍ଲେଖ କରିଛନ୍ତି ସାଂସଦ ଅନୁଭବ ମହାନ୍ତି ।
