ଦୋଳ ମେଳଣ ବେଳେ ଅଘଟଣ; ଡିଜେ ବନ୍ଦ କରିବାରୁ ପୋଲିସକୁ ଆକ୍ରମଣ

ଡେରାବିଶ: ଡେରାବିଶ ବ୍ଲକ ସଦର ଥାନା ଅନ୍ତର୍ଗତ ହରିଅଙ୍କ ଗାଁରେ ଦୋଳ ମେଳଣ ବେଳେ ସୃଷ୍ଟିହେଲା ଅପ୍ରିତିକର ପରିସ୍ଥିତି। ଦୋଳ ମେଳଣ ଡିଜେ ବନ୍ଦ କରିବାରୁ ପୋଲିସକୁ ଗୋଟିଏ ଗୋଷ୍ଠୀର ଆକ୍ରମଣ ଅଭିଯୋଗ ହୋଇଛି। ଏହା ସହ ଖବର ସଂଗ୍ରହ ବେଳେ କିଛି ସାମ୍ବାଦିକଙ୍କ ମୋବାଇଲ ଓ କ୍ୟାମେରା ଛଡାଇ ନେଇଥିବା ମଧ୍ୟ ଅଭିଯୋଗ ହୋଇଛି।

ବିଳମ୍ବିତ ରାତ୍ରି ସମୟରେ ସମ୍ପୃକ୍ତ ଗାଁର ଦୋଳମେଳଣ ଅତ୍ୟଧିକ ସାଉଣ୍ଡରେ ଡିଜେ ବଜାଇ ମେଳଣ ପଡିଆକୁ ଆସୁଥିଲା। ଏହି ସମୟରେ ପୋଲିସ ପହଞ୍ଚି ଡିଜେ ବନ୍ଦ କରିବାକୁ ଚେଷ୍ଟା କରିଥିଲା। ଘଟଣାକୁ ନେଇ ଉତ୍ତେଜନା ପରିସ୍ଥିତି ସୃଷ୍ଟି ହୋଇଥିବାବେଳେ ପୋଲିସକୁ ଆକ୍ରମଣ କରିଥିଲେ କିଛି ଯୁବକ । ଏନେଇ କେନ୍ଦ୍ରାପଡ଼ା ସଦର ଥାନାରେ ଅଭିଯୋଗ ହେବା ପରେ ପୋଲିସ ତଦନ୍ତ ଆରମ୍ଭ କରିଛି।