ଆଫଗାନରେ ରହୁଥିଲେ କେନ୍ଦ୍ରାପଡ଼ା ପୁଅ, ‘ସ୍ଥିତି ମନେ ପକାଇଲେ ଲୋମ ଟାଙ୍କୁରି ଉଠୁଛି’

କେନ୍ଦ୍ରାପଡ଼ା: ଆଫଗାନିସ୍ତାନର ସ୍ଥିତି ମନେ ପକାଇଲେ ଲୋମ ଟାଂକୁରି ଉଠୁଛି । ସେଠାରେ ସ୍ଥିତି ବିଗିଡିବା ପରେ ଜଣେ ଓଡ଼ିଆ ସେଠାରୁ ପଳାଇ ଆସିଥିଲେ । ତାଲିବାନର ବର୍ବରତାକୁ ନେଇ ସମଗ୍ର ବିଶ୍ବ ସ୍ତବ୍ଧ ଥିବା ବେଳେ ନିଜ ନିଜ ଦେଶକୁ ଫେରୁଛନ୍ତି ବିଭିନ୍ନ ଦେଶ ନାଗରିକ । ଅଫଗାନିସ୍ଥାନରେ ରହି ଆମେରିକା ଆର୍ମି ବେଶରେ କାମ କରୁଥିବା ଜଣେ ଓଡ଼ିଆ ମଧ୍ୟ ଭାରତ ଫେରିଛନ୍ତି । ତାଙ୍କ ଘର କେନ୍ଦ୍ରାପଡା ଜିଲ୍ଲା କୁସୁନପୁର ଗାଁ ।

ମନୋରଞ୍ଜନ ସାହୁ ମେ ମାସରେ ନିଜ ଘରକୁ ଫେରିଛନ୍ତି । ଦୀର୍ଘ ୫ ବର୍ଷ ଧରି ସେ ଅଫଗାନିସ୍ତାନରେ ଥିଲେ । କିନ୍ତୁ ସେଠାରେ ସ୍ଥିତି ଖରାପ ହେବା ପରେ ମନୋରଞ୍ଜନ ଘରକୁ ଫେରି ଆସିଥିଲେ । ଏବେ ନିଜ ପରିବାର ସହିତ ସେ ଖୁସିରେ ଅଛନ୍ତି । ସେଠାକାର ଅବସ୍ଥା ମନେ ପକାଇଲେ ତାଙ୍କ ଭିତରେ ଭୟ ସଂଚାରିତ ହେଉଛି ବୋଲି କହିଛନ୍ତି ।